PM Taur Lamenta CNRT Nia Auzensia Iha Debate OJE 2021

Primeiru Ministru (PM) Taur Matan Ruak, lamenta tebes ho auzensia Bankada Congressu Nasional Rekonstrusaun Timorense (CNRT) iha debate proposta Lei Orsamentu Jeral Estadu (OJE) tinan 2021. (Foto: Pajina Facebook Primeiro-Ministro: S.E. Taur Matan Ruak)

DILI, STLNEWS.co – Primeiru Ministru (PM) Taur Matan Ruak, lamenta tebes ho auzensia Bankada Congressu Nasional Rekonstrusaun Timorense (CNRT) iha debate proposta Lei Orsamentu Jeral Estadu (OJE) tinan 2021.

“Hau lamenta ho auzensia Partidu CNRT iha debate proposta Orsamentu Jeral Estadu iha faze espesialidade to votasaun final,” dehan Xefe Governu wainhira halo intervensaun iha debate proposta OJE 2021 iha Parlamentu Nasional, Sabadu (12/12/2020).

Xefe Governu nee dehan, maske iha diferensia politika maibe lolos sira labele retira sira nia apoiu iha prosesu dezenvolvimentu nasaun nian.

“Desizaun sira nia mak hanesan nee, maibe governu husu ba sira atu kontribui ba iha prosesu dezenvolvimentu, tanba importante tebes atu ita hotu hamutuk liu-liu hanesan krize neebe dadaun nee Ita hasoru,” tenik nia.

Enkuantu Parlamentu Nasional aprova ona proposta Lei Orsamentu Jeral Estadu (OJE) 2021 iha final global ho votus afavor 44, kontra 0, abstensaun 0.

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here