PM Taur Observa Direita Reabilitasaun Estrada Tasi Tolu

DILI, STLNEWS.co – Primeiru Ministru (PM) Taur Matan Ruak akompanha husi Ministru Obras Publika (MOP), Abel Pires no Visi Ministru Obras Publikas, Nicolau Lino Freitas Belo, iha Sabadu kalan halao observasaun direta ba reabilitasaun estrada parte husi terminal Tasi Tolu too mai Raikotu nian, kuaze 680 metru neebe kaer husi Kompania Nasional Jonize.

Tuir komunikadu neebe STL asesu husi Media Gabinete Primeiru Ministru iha Segunda nee (25/04/2022) sita katak, reabilitasaun refere nudar parte ida ba serimonia investidura ba Prezidente Repúblika foun no komemorasaun tinan 20 restaurasaun indepedensia RDTL, neebe sei realiza iha Tasi Tolu, neebe sei marka prezensa mos husi alta dignitarios sira pais amigu nian.

Iha obervasaun nee Xefi Governu koalia direita ho nain ba kompania atu halo serbvisu extra liu tan, hodi bele halo kaber lalais antes too loron serimonia investidura nian ba Prezidente Republika foun no komemorasaun tinan 20 restaurasaun independensia RDTL.

Entretantu, Diretor Kompania Jonize, I Jin Filipe garante ba Xefi Governu katak, antes tama loron 19 fulan Maiu, kompania sei halo kaber hodi fui alkatraun atu iha loron 19 fulan Maiu  kalan bele fasilita ona movimentasaun bainaka sira ba fatin serimonia iha Tasi Tolu.

(alb)

LEAVE A REPLY

Please enter your comment!
Please enter your name here