PM Taur Relata Asuntu Rua Ba PR

DILI, STLNEWS.co – Primeiru Ministru (PM) Taur Matan Ruak, relata asuntu rua konaba reuniaun Comunidade dos Países de Língua Portuguesa (CPLP) no evolusaun Covid-19, ba iha Prezidente Republika (PR) Francisco Guterres Lú Olo.

Bainhira remata enkontru, Primeiru Ministru Taur Matan Ruak ba jornalista iha Palasiu Prezidente Bairru Bite, Kinta (24/06/2021) hatete, ohin enkontru ho PR nee hanesan enkontru semanal hodi relata asuntu rua ba Xefe Estadu.

“Enkontru semanal ho Prezidente Republika, ohin hau informa asuntu rua deit ba Sua Excelensia Prezidente Republika, ida mak Reuniaun CPLP, ita nia kandidatura Sekretariu ba CPLP no ida seluk mak evolusaun covid no vasinasaun sira neebe mak ita lao ona no estadu emerjensia neebe ita presiza halo estensaun ba fulan oin.” hatete PM.

PM hatete konaba Sekretariu ba CPLP nia mak Timor Leste iha kandidatu ida mak Zacarias Albano, mak sai hanesan Sekretariu Ezekutivu CPLP nia.

Nunee mos konaba isu neebe mak hatete katak bainhira veteranus no idozu sira la vasina mak sei lasimu osan, hatan ba kestaun nee PM hatete partisipasaun vasina nee importante los.

Iha Biban nee PM hatete konaba votu ba Myanmar, halo ona maibe votu nee la substitui prinsipiu sira neebe Timor Leste Promulga.

“Votu ita nia halo tiha ona husi faltu ida konsumadu, soke buat ida nee nia la substitui valores no prinsipiu sira neebe Timor Leste komunga hanesan demokrasia, repeitu direitus umanus, rekonsiliasaun solusaun pasifiku problema sira, la utiliza violensia portantu Timor defende ida nee.” katak Taur.

Xefe Governu nee hatutan prinsipiu valor sira nee Timor nian sei kontinua nafatin tanba nee Timor lori ran ho mate mak sosa tanba nee observasaun ba Timor nia prinsipiu valor sira nee nafatin.

“Hau hanoin ita nia pais nee, pais demokratiku, ida opiniaun sidadaun sira nian importante loos governu rejista preokupasaun hotu, soke hanesan ohin hau dehan nee bainhira votasaun nee halo tiha ona, agora ita hasai lisaun ba futuru nee. Tanba nee hau hatete votasaun nee mezmu ita nia votu nee ita halo tiha ona, maibe nia la substitui valores no prinsipiu neebe ita nia nasaun defende no ita defende nee kontemplu konstituisaun rasik.” katak nia.

Nunee mos konaba ro Tranship II, Primeiru Ministru hatete ida nee Ministru Transporte mak sei tau Matan ba ida nee.

“Nee atividade ida neebe ita nia Ministru Transporte rasik, nia mak tau matan, hau hatene hau rasik uza ona no hau espera katak nia atividade nee permanente no hau husu atu atividade tenke lao, depende agora programa konaba viajen sira nee, neebe Ministeriu Transporte rasik estabelese.” hatete nia.*

Reportajen: Emerenciana Pinto
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: