PM Vizita Supreza STAE, Husu Imparsialidade

DILI – Xefe Governu Timor Leste halao vizita supreza ida ba iha edifisiu Sekretariadu Tekniku Administrasaun Eleitoral (STAE), hodi haree preparasaun no mos husu funsionariu hatudu profisionalismu no imparsialidade servisu.

Iha vizita PM nee, akompania husi Ministru Estadu Koordenador Asuntu Administrasaun Estadu no Justisa no Ministru Administrasaun Estatal, Dionisio Babo Soares, Diretor Jeral STAE, Acilino Manuel Branco ho funsionariu sira.

Tuir Primeiru Ministru (PM), Rui Maria de Araujo katak, objetivu husi vizita STAE, atu haree konaba preparasaun STAE nian ba iha eleisaun prezidensial no parlamentar.

Hau mai vizita supreza ida nee mos, haree mos saida mak durante nee STAE enfrenta no mos ba iha preparasaun ba eleisoens tinan ida nee nian,” dehan PM, Rui ba jornalista sira iha edifisiu STAE, hafoin remata enkontru ho Diretor no Funsionariu STAE, Caicoli-Dili, Kuarta (15/02/2017).

PM, Rui haktuir, hanesan xefe Governu hakarak apelu spesial ba funsionarius STAE hahu husi Diretor Jeral, funsionariu too iha munisipais sira inklui mos brigadista sira atu hatudu imparsialidade.

Iha fatin hanesan, Ministru Estadu Koordenador Asuntu Administrasaun Estadu no Justisa no Ministru Administrasaun Estatal, Dionisio Babo Soares esplika, objetivu vizita PM nian iha STAE nee atu husu oinsa mak ita atu bele prosesa lalais orsamentu nee. Raimundo S. Fraga

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...