PN Aprova Estensaun EE Ba Dala-18

DILI, STLNEWS.co – Ohin Pralamentu Nasional (PN) fo autoriza Prezidente Republika (PR), hodi dekreta Estadu Emerjensia (EE) ba dala-18 iha teritoriu nasional, tanba sei iha substansia situasaun kalamidade publika.

Tanba ne’e, durasaun husi deklarasaun EE ba loron 30 ne’e, hahu husi oras 00:00 iha loron 30 fulan Setembru tinan 2021 kinta feira sei termina fali iha 32:59 iha loron 29 fulan Outobru tinan 2021 Sesta feira.

“Votasaun husi deputadu/a sira afavor 39 kontra 0 abstensaun 8, nunee lei autorizasaun ba renovasaun dekralasaun EE aprovadu, ita espera governu implementa ho diak,” anunsia Prezidente Parlamentu Nasional (PPN), Aniceto Guterres Lopes liu husi plenaria iha PN, Tersa nee (28/09/2021).

Nia hatutan, lori PN nia naran hakarak hato’o apresiasaun ba governu ninia esforsu sira hotu, atu hasai ita nia rain husi pandemia, hodi tama ba normalidade.

Iha fatin hanesan, Deputada Bankada PD Elvina Souza dehan, dala ida tan PN debate pedidu PR,  hodi ekstende EE ba dala-8, Bankada PD sei fo nia votus favoravel ba ekstensaun EE ba dala-8, tanba saude publika.

Nia dehan, iha debates ekstensaun EE ba dala-8 ne’e, Bankada PD hakarak hameno ba VIII Governo, atu aselera no maksimiza vasinasaun Covid-19 iha teritoriu Timor laran tomak, hodi bele fila hikas ba normalidade.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...