PN Aprova Votus Pezar Ba Saudozu Metan Zebra

Parlamentu Nasional (PN) fo omenazen ikus no aprova votus pezar ba eis Deputadu Primeira lejislatura, Julião Agustino Mausiry “Metan Zebra”, ho votus afavor 53, kontra 0, Abstensaun 0. (Foto: STL/Donaciano Magalhães)

DILI, STLNEWS.co – Parlamentu Nasional (PN) fo omenazen ikus no aprova votus pezar ba eis Deputadu Primeira lejislatura, Julião Agustino Mausiry “Metan Zebra”, ho votus afavor 53, kontra 0, Abstensaun 0.

Reprezentante povu sira iha uma fukun Parlamentu Nasional aprova votus pezar nee ho ninia rezultadu votasaun afavor 53, kontra 0, Abstensaun 0.

“Votus pezar ba saudozu Julião Agustino Mausiry “Metan Zebra aprovadu,” hatete Prezidente Parlametu Nasional, Aniceto Longuinhos Guterres Lopes liu husi plenaria iha PN, Segunda (15/02/2021).

Aleinde nee, hafoin aprova votus pezar iha omenajen ikus, Deputada Bankada CNRT, Maria Gorimali, dehan saudozu Metan Zebra iha tempu rezistensia hanesan joven ida neebe dedika nia aan tomak ba luta libertasaun nasional.

Foto: STL/Donaciano Magalhães

“Iha tempu ukun aan saudozu Metan Zebra hatudu mos nia kualidade hanesan, joven matenek ida joven politiku i joven demokratiku ho nunee maka lori nia mai too iha PN nuudar Deputadu iha primeira lejislatura iha 2002 too 2007,” dehan nia.

Nuudar joven involve iha organizasaun klandestina sira, saudozu Metan Zebra halao ona nia papel kompora nia moris neebe despeitadu pur amigos i inimigos no foti parte iha prosesu dezenvolvimentu politika no demokratizasaun.

Saudozu Metan Zebra hatudu ona exemplu diak didikasaun no sakrifisiu, sei sai nafatin exemplu foin sae Timoroan sira atu kontinua halao dedikasaun halo sakrifisiu iha moris tomak ba dezenvolvimentu iha rai no povu Timor Leste.

“Ami hatoo sentidu profundas kondelensia ba famiiia hotu, i kolega neebe maka lakon membrus familia ida nomos kolega ida husi imi nia leet,” hatete nia.

Nunee mos, Deputada Bankada PLP, Domingas dos Santos, dehan Bankada PLP hakarak hatoo sentidu kondelensia profunda ba familia tomak husi saudozu.*

Reportajen: Guilhermina Franco/ Domingas Soares
Editor: Ekipa STL

LEAVE A REPLY

Please enter your comment!
Please enter your name here