PN Autoriza Renova EE Ba Dala-17

DILI, STLNEWS.co – Reprezentante povu iha uma fukun Parlamentu Nasional (PN), autoriza renovasaun ba deklarasaun Estadu Emerjensia (EE) ba dala-17, ho votasaun afavor 38, kontra 0, no abstensaun 16.  

Prezidente Parlamentu Nasional (PPN), Aniceto Longuinhos Guterre Lopes, hatete, ohin ho rezultadu votasaun husi deputadu 52, neebe partisipa iha diskusaun ba renovasaun EE ba dala-17 ho afavor iha 38, kontra 0, no abstensaun 16.

“Nunee projetu lei 32/2021 pasa, Parlamentu Nasional (PN), autoriza renovasaun ba deklarasaun Estadu Emerjensia (EE),” anunsia PPN Aniceto liu husi plenaria, iha PN, Tersa (24/08/2021).

Nia dehan, autorizasaun ba renovasaun EE signifika apoiu no kolaborasaun Parlamentu Nasional nian ba governu nia esforsu iha luta hasoru Covid-19 inklui variante Delta, esforsu asegura no kontrola fronteiras. Nunee mos ba kombate krime organizadus iha area fronteira nian, tanba nee Parlamentu Nasional autoriza.

Nunee mos Deputadu Bankada PLP, Abel Pires hatete, estensaun EE ba dala-17 importante tebes, tanba husi informasaun agora dadaun kazu nee seriu tebes – tebes,  ho estensaun EE sei fo biban ba governu, atu tau matan nafatin hodi bele kontra Covid-19 liu – liu kontra variante Delta neebe agora iha ona rai laran.

Aleinde nee Deputada Bankada CNRT, Bendita Magno dehan, governu mai husu tan pedidu ba PN atu estende EE ba dala-17, maibe EE rohan laek neebe fo impaktu negativu tebes ba povu nia moris. Bankada CNRT deklara ona iha PN hahu husi deklarasaun EE dala primeiru to’o mai estensaun ba dala-16 katak, politiku sira neebe kaer poder sei politiza Covid-19 ida nee atu hametin poder liu husi estende EE, aplika SS ho KO.

Nia tenik, iha debate estensaun EE ba dala-15 ho dala-16, Bankada CNRT preve kedas ona katak, governu sei husik variante Delta tama mai Timor Leste, atu nunee kontinua politiza Covid-19 ida nee ba interese politika partidaria. *

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Hasoru Malu Ho Rhee In-Yong

DILI, STLNEWS.co - Prezidente Republika (PR), José Ramos Horta, halao enkontru ho Rhee In-Yong. Iha inkontru nee koalia konaba projetu responsabilidade sosial korporativa iha Timor...

MMT Introdus Planu MLC Ba Stakeholder

LIKISA, STLNEWS.co - Mary MacKillop Today (MMT) halao enkontru ho parte interesada (stakeholders) husi parte governu nia reprezenta, Rui da Costa Belo, Visi Prezidente...

Presiza Kuda Unidade Domin Maromak

UATULARI, STLNEWS.co - Joven mak futuru nasaun nian, tanba nee presiza kria pas no unidade Maromak nian iha sosiedade leet. Kestaun nee hatoo husi, Madre...