DILI, STLNEWS.co – Deputadu sira iha Parlamentu Nasional (PN) hahu debate ona proposta orsamentu retifikativu iha faze jeneralidade.
Liu husi sesaun plenaria Segunda nee (09/05/2022) iha Parlamentu Nasional, deputadu sira hamutuk ho VIII Governu Konstitusional hahu debate ba proposta orsamentu retifikativu ho montante billaun US$ 1,1 iha diskusaun ho karater urjensia.
Tuir Prezidente PN, Aniceto Guterres katak, iha debate nee atraza oituan, tanba ohin dadersan Komisaun C foin halo konklui relatoriu paraser, tanba nee meza hein hela relatotiu paraser nee mak atraza iha oras.
Tuir ajenda PN nian, debate proposta orsamentu retifikativu durante loron 3, loron ida iha jeneralidade, iha espesialidade, no debate nee hahu iha tuku 9 dadersan, maibe iha faze jeneralidade atraza oituan, debate foin hahu iha oras tuku 11:00, tanba sei hela parte Komisaun C konklui relatoriu paraser ba proposta orsamentu retifikativu.
Iha debate intervensaun husi Primeiru Ministru Taur Matan Ruak, no remata oras nee sei halao hela mos intervensaun husi deputadu sira.
(gui)
