PN Hasai Imunidade Ba Deputadu Aderito

DILI, STLNEWS.co – Parlamentu Nasional (PN) hasai ona imunidade ba deputadu Aderito Hugo da Costa husi bankada CNRT, ho votus afavor 49, kontra 0 no abstensaun 3, atu ba hatan iha tribunal relasiona ho kazu eletrisidade.

Liu husi sesaun plenaria Segunda (03/05/2021) nee iha PN, liu husi votasaun sekretu deputadu sira konfirmadu ona ba suspensaun mandatu ka hasai levantamentu deputadu Aderito Hugo da Costa, tuir pedidu tribunal nian neebe hatoo ba PN, atu iha loron 10 de maiu 2021 ba hatan iha tribunal.

Prezidente Parlamentu Nasional (PPN) Aniceto Guterres katak, “husi total voletin de votus 52, votus afavor 49, kontra 0 no abstensaun 3, ho nunee rezolusaun ba suspensaun de mandatu deputadu Aderito Hugo da Costa, efeitu ba prosegimentu ba prosesu judisial konfirmadu,” anunsia PPN Aniceto.

Nia esplika, iha rezolusaun foun neebe mak iha nia redasaun nee ikus liu, supende mandatu deputadu ba efeitu prosegimentu prosesu judisial. Iha redasaun anterior so mente ba data ida nee (data fiksu).

Nunee mos Deputadu Aderito Hugo da Costa husi bankada CNRT hatete, kazu nee kleur ona desde 2016, prosesu iha nivel Ministeriu Publiku (MP), liu hotu ona, nee sem liu husi prosesu autorizasaun PN, maibe ho vontade rasik ba halo partisipasaun para oinsa prosesu nee lao.

Nia esplika, prosesu nee lao, depois ba iha tribunal mak adia dala 3, ikus mai ajenda tribunal nian ba dia 10 Maiu, espera katak ida nee bele lao, tanba ho nia vontade rasik hakarak prosesu nee lao lalais do ke pendente hela.*

Reportajen: Guilhermina Franco/Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...
%d bloggers like this: