PN Hato’o Votus Pezar Ba Saudozo Mauhuno

DILI, STLNEWS.co – Deputadu/a sira iha uma fukun Parlamentu Nasional (PN), hato’o votus pezar ba saudozo Jose Antonio Gomes da Costa alias ‘Mauhuno Bulerek Karathayano’, ho afavor 53 konta 0 no abstensaun 0.

Tuir Prezidente Parlamentu Nasional (PPN), Aniceto Longuinhos Guterres Lopes dehan, votu numeru 27/V(4a) ne’e aprova ho rezultadu votasaun afavor 53 kontra 0 no abstensaun 0.

“Parlamentu Nasional aprova votus pezar ho unanimidade ba falisimentu Mauhuno Bulerek Karathayano, ne’e nuudar omenajen ba komadante, kamarada no kompaneru Mauhuno Bulerek Karathayano eroi ba independensia, nia espiritu abnegasaun, korajen, sakrafisiu sei sai ezemplu no sai inspirasaun ba ita no ba povu tomak, hodi hatutan libertasaun nasional,” anunsia Prezidente Parlamentu Nasional (PPN), Aniceto Longuinhos Guterres Lopes liu husi plenaria iha PN, Segunda nee (27/09/2021).

Tuir Xefe Bankada PUDD, Antonio de Sabenevides dehan, sente triste lakon maun ka aman Mauhuno Bulerek Karathayano, ne’ebé fila hikas ona ba Aman Maromak.

“Ita hotu triste, tanba lakon eroi boot, eroi ne’ebé iha unidade no moris simples, heroi ne’ebé hamnasa ho ema hotu no respeita ema hotu, iha fuan boot, iha mehi boot ba auto determinasaun. Ho aman Mauhuno nia fuan ho mehi espiritu nasionalismu, no patrotismu ne’ebé boot, lori ona ita ba ukun rasik an,” dehan nia.

Nia dehan, involvimentu no kontribuisaun ba funu naruk ne’ebé aman Mauhuno halo ba ukun rasik an, liu husi terus ne’ebé naruk, susar ne’ebé todan, labele sukat ho metru, no sei labele tetu ho dasi.

Iha fatin hanesan, Xefe Bankada FRETILIN, Francisco Miranda Branco dehan, votus pezar ne’e nuudar omenajen ikus ba lider no komadante boot ba rezistensia nasional, Mauhuno Bulerek Karathayano.*

Reportajen: Domingas Saores ne’ebé

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...