PN Hola Ona Inisiativa Kria Lei Sibernetika

DILI, STLNEWS.co – Prezidente Parlamentu Nasional (PPN), Aniceto Guterres hatete, Parlamentu Nasional iha ona inisiativa atu kria lei sibernetika.

Kestaun nee hatoo husi Prezidente Parlamentu Nasional (PPN), Aniceto Guterres ba jornalista bainhira remata halo enkontru ho Prezidente Republika (PR), Francisco Guterres Lú Olo iha Palasiu Prezidente, Tersa (08/06/2021).

Nia hatete PN hola inisiativa atu kria lei sibernetika, maibe sei hanoin hela.

“Deputadu sira iha hanoin tanba hanesan reprezentante povu hanoin atu hola inisiativa para kria lei sibernetika,” dehan PPN Aniceto Guterres.

PPN hatete, maibe sei iha hanoin hela laos proposta lei neebe PN simu ona keixa no kritika, maibe atu hatete laiha liberdade.

“Se ita koalia konaba liberdade mundu nee laiha liberdade neebe liberdade trata ema, tanba liberdade ida hanesan nee bele destroi moral sivilizasaun sosiedade ida nian entaun saida mak akontese Timor uza media sosial atu hotar ema arbiru, maibe ema Timor nia sensibilizasaun laos hanesan nee,” hatete Aniceto.

PPN nee hatutan, ida nee sai hanesan kestaun ida, tanba nee reprezentante povu iha Parlamentu Nasional iha hanoin atu rezolve problema sira nee atu asegura nafatin moral, oinsa sosiedade Timor sai sivilizadu. Maibe ida nee foin hanoin ka planu maibe seidauk transforma ba inisiativa ruma ba lei.

Konaba lei sibernetika nia dehan PN iha inisiativa, tanba PN iha kompetensia atu bele hola inisiativa ba lei refere. Depois aprova ka la aprova tuir prosesu, maibe hanesan orgaun soberanu iha inisiativa kria lei sibernetika, maibe lei hirak nee labele viola fali konstituisaun.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: