PN Husu Governu Atensaun Ba Komunidade Maslidun

DILI, STLNEWS.co – Relasiona ho komunidade sira iha Maslidun neebe vitima ba inundasaun, halerik bee mos, reprezentante povu iha parlamentu nasional husu atu governu tau atensaun. Kestaun nee hatoo husi deputada bankada Fretilin atual portavoz PN, Lidia Norberta ba jornalista, Tersa (04/05/2021) nee iha Parlamentu Nasional.

“Ami rekomenda atu parte governu liu husi protesaun sivil se bele karik haree nafatin situasaun komunidade sira nian, tanba fo-foun nee hotu-hotu ba fo apoiu maibe tempu lao mai ema balu ses, maibe komunidade sira nee sei kontinua halerik ba bee mos ho nesesidade seluk tan,” hatete Lidia.

Reprezentante povu nee, husu ba ministeriu relevante atu tau nafatin matan ba maluk sira iha Maslidun neebe vitima ba inundasaun foin lalais nee, oinsa atu kanaliza bee mos ba sira, i sira laos susar deit ba bee mos, maibe iha nesesidade seluk neebe presiza apoiu, hanesan mos presiza halo tratamentu ba sira nia saude, liu-liu ba labarik kiik-oan sira, tanba ho situasaun hansan nee iha risku ba saude, neebe parte saude mos bele ba halo atende ba sira liu husi tratamentu ba sira nia saude.

Entretantu observasaun jornalista STL haree katak, komunidade sira nee susar ba bee mos, mezmu ekipa bombeirus, NGO balun inklui mos lider karismatiku Kay Rala Xanana Gusmão oferese hela bee mos ba sira, maibe tanba numeru populasaun barak, tanba nee lasufisiente.*

Reportajen: Guilhermina Franco/Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...

Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co - Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu...

Rede Feto Triste, Feto Sai Vitima

DILI, STLNEWS.co - Rede Feto Timor Leste triste hodi asiste sitausaun realidade, neebe akontese halo feto sai vitima ba situasaun moris iha familia, liu...
%d bloggers like this: