DILI, STLNEWS.co – Reprezentante povu iha uma fukun Parlamentu Nasional (PN) husu ba governu, liu-liu Ministreriu Transporte Komunikasaun (MTK) atu buka lalais solusaun, tanba transporte publiku la halo movimentu, hodi fo implikasaun ba estudante sira nia prosesu aprendizajen.
Kestaun nee fo sai husi Deputadu, Francisco David ba STL Tersa nee (26/04/2022) iha Parlamentu Nasional.
“Hau hanoin governu liu-liu Ministeriu Transporte atu buka lalais solusaun, tanba agora estudante sira ezame hela, karik transporte publiku sira mogok mak sei difikulta estudante sira no mos ema sira neebe hakarak halo movimentu ba mai,” dehan Deputadu Francisco David.
Nia afirma liu tan, problema nee akontese kuaze atu fulan ida ona, maibe governu liu-liu ministeriu relevante kala sei toba, tan nee mak too agora seidauk rezolve hela deit problema sira nee, mina folin sae no estudante sira mos hahu selu ona 0,25 centavos kada ema.
Kontinua ba pajina 2
