PN Husu PNSIK Investiga Klean Kazu Tara Aan

DILI, STLNEWS.co – Parlamentu Nasional (PN), husu Polisia Nasional Investigasaun Kriminal (PNSIK), atu halo investigasaun klean ba kazu Bebonuk, neebe deskonfia membru governu ida nia kaben tara aan.

Liu husi komunikadu imprensa, porta voz Parlamentu Nasional, Deputada Lidia Norberta hakarak fo sai ba publiku katak, PN hanesan reprezentante povu lamenta tebes ho akontesementu nee, husu nafatin ba Polisia Nasional Investigasaun Kriminal atu kontinua halo investigasaun klean, nunee bele hatene lolos kauza husi kazu refere omesidu ka suisidu.

“PN enkoraja nafatin ba Polisia Nasional Investigasaun Kriminal (PNSIK), atu servisu ho professional hodi halo investigasaun klean ba kazu deskonfia tara aan nebee akontese iha Aldeia Bebonuk, Sabadu dia 15 de Maiu 2021, hodi hamate feto maluk Labenita Madeira, nudar membru governu ida nia kaben,” hatete Lidia liu husi komunikadu imprensa neebe STL simu iha Kinta (20/05/2021).

Porta voz nee dehan, tuir regra neebe estabelese ona, kuandu mosu insidente ema tara aan, Polisia Nasiona Investigasaun Kriminal (PNSIK) no Polisia Sientifika no Investigasaun Kriminal (PSIK) mak iha kompetensia lori ba autopsia hodi bele idenfika motivu husi tara aan nee.

Tuir Deputada nee katak, PN la haluha hatoo mos sentidu kondelensia ba familia neebe hasoru problema ida nee, no fo koragen nafatin ba familia atu rezolve ho ulun malirin.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: