PN Kestiona Linguajen MS

DILI, STLNEWS.co – Reprezentante povu iha uma fukun Parlamentu Nasional (PN), kestiona linguajen husi Ministra Saude (MS) Odete Maria Freitas Belo, neebe dehan posibilidade vasina dala-3 sona iha kidun.

Preokupasaun nee haktuir husi Deputadu Bankada CNRT Gabriel Soares liu husi plenaria iha PN, Tersa (21/09/2021).

“Hau sente ita hotu simu ona vasina, maibe iha notisia MS hatete fali, ita sei vasina ba dala-3, hau sente ho termu ida nee, iha uma fukun lulik hau labele hasara, maibe hau empresta deit ministra nia liafuan katak, iha posibilidade sei sona iha kidun. Ita dehan media nee tenke iha etika oituan labele tolok, maibe ida nee governante tolok diretamente katak, sona iha kidun nee,” dehan nia liu husi plenaria iha PN, Tersa nee (21/09/2021).

Nia hatete, normalmente iha familia infermeiru/a antigu sira nee barak dehan, sona nee iha kabas no sona nee iha kidan. Agora ida nee sona kedan iha kidun fali nee.

“Linguajen sira nee tenke iha etika oituan, tanba ministra nia koalia lalika hakerek, koalia deit ida nee lei,” tenik nia.

Nia afirma, husu favor, tanba nee atu eduka sosiedade sira nee oinsa, husi avo bei ala sira dehan, sona nee iha kabas ho kidan.*

REortajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...