PN Preokupa Aktus PNTL Iha Fronteira

DILI, STLNEWS.co – Membru Parlamentu Nasional preokupa tebes ho aktus PNTL iha fronteira, neebe deskofia fasilita Grupu Arte Marsial (GAM) tama sai ilegalmente iha neeba.

Preokupasaun nee hato’o husi Deputada Olinda Guterres liu husi sesaun plenaria, bainhira debate estensaun Estadu Emerjensia (EE) ba dala-17, iha PN, Dili, Tersa (24/08/2021).

“Ita preokupa ho aktus Polisia Nasional Timor Leste (PNTL) nian, negosiante kiik neebe buka moris lao sala dalan, polisia sira kaer balu to’o dolar didiak, maibe sira fasilita ema rihun ba rihun tama sai fronteira hodi lori moras aat nee tama mai Timor Leste, ita husik livre, no kontrola governu nian nee to’o iha neebe,” dehan Deputada Olinda.

Tuir Deputada Bankada KHUNTO nee katak, loloos nee governu tenke toma atensaun ba seguransa nasaun nian, tanba sa mak PNTL nafatin fasilita ema tama sai fronteira, uluk povu luta hodi duni sai bapa sira nee, tanba sa mak agora Timoroan ba tu – tuir fali ema iha Indonezia nee.

Deputada nee husu ba governu, atu halo mudansa ba seguransa iha fronteira, muda fali forsa sira mak jaga iha fronteira, atu nunee labele fasilita tan ema sira nee tama sai fronteira hodi lori nafatin moras nee fila mai Timor Leste.

Iha fatin hanesan Deputada Elivina de Sousa (Bankada PD), husu ba governu atu implementa medidas neebe rigorozu ba seguransa iha fronteira atu nunee bele evita pasajen ilegais neebe to’o agora sei kontinua tama sai iha fronteira.

Nunee mos Deputada Isabel Freitas Ximenes husi Bankada Frente Mudansa (FM) hatutan, atu kontrola diak liu tan fronteira rai laran ho diak mak governu bele halo mudansa ba iha fronteira, tau mak F-FDTL iha fronteira, hodi haree ninia mudansa iha neeba, ema sei nafatin tama sai ilegal tan ka lae.

Aleinde nee mos Deputadu Antonio de Sa Benevides husi Bankada PUDD, husu ba Ministeriu Defeza no Ministeriu Interior atu halo esforsu neebe boot hodi kontrola fronteira.

Nia dehan, ema kontinua tama sai iha fronteira, oinsa ho servisu intelijensia nian, tama fronteira hanesan odamatan boot neebe lori moras tama sai TL, tanba Covid-19 la simu husi anin, maibe Covid-19 dolar liu husi ema sira neebe dolar tama sai ilegal iha fronteira ilegamente.*

Reportajen: Madalena Horta/Domingas Soares

Editotor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: