PN Preokupa Bee Moos Iha Camea

DILI, STLNEWS.co – Reprezentante povu iha uma fukun Parlamentu Nasional, Deputada Bankada Frente Mudansa (FM) Isabel Ximenes, sente preokupa ho komunidade sira iha Suku Camea, Aldeia Aidak Behare susar tebes atu asesu bee moos.

“Populasaun sira iha Suku Camea no Aldeia Aidak Behare, populasaun sira besik tebes mai iha kapital Dili, maibe sira iha difikuldade boot hodi asesu ba bee moos. Komunidade sira atu hetan bee moos nee tenke lao dook oituan iha foho lolon neeba, nee iha bee matan ida iha neeba,” dehan nia ba liu plenaria iha PN, Tersa (05/10/2021).

Nia haktuir, depois bee neebe maka sira kuru tiha, atu lori tuun fali mai nee difikulta tebes, tanba sira neebe maka ba kuru nee laos mane, maibe inan feton no oan sira maka lalin bee, hodi mai atende nesesidade iha uma laran.

Nia hatutan, komunidade sira nee prepara tiha ona tanki, uluk iha tinan tolu liu ba nee, parte husi munisipiu maka lori bee moos ba, hodi ense bee iha tanki neeba, para komunidade sira uza durante semana ida.

Aleinde nee mos, estudante Angelino Mariano haktuir katak, sira hela iha Becora nee susar tebes atu asesu bee moos.

Nia hatutan, bainhira bee laiha, sira dala ruma la haris no sira labele fase sira nia ropa.*

Reportajen: Natalina Lopes

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...