PN Preokupa Ezame Nasional

DILI, STLNEWS.co – Reprezentante povu iha uma fukun Parlamentu Nasional (PN), preokupa ho ezame nasional neebe besik ona, tanba durante nee estudante sira ladun partisipa masimu iha aula prezensial.

Deputadu Bankada PLP, Gabriel Soares hatete, ministeriu balun deklara ona, ensinu superior atu loke ona aula prezensial ba estudante universidade sira.

Maibe Sekretaria Estadu, Juventude, no Desportu (SEJD) mos tenke hatene, tanba ezame nasional mos besik ona, neebe agora iha ona fulan Setembru no la kleur ba Outobru, ho ida nee, prepara ezame nasional ba estudante filinalistas sira.

“Ami preokupa tebes – tebes konaba futuru oin, atu realiza ba ezame nasional no lokal, tanba ita iha Dili fatal total, estudante sira kuanze aulas nee toba, iha aula ensinu distansia ka online, maibe ita nunka garante katak, estudante sira iha ensinu baziku no ensinu sekundariu jeral hotu – hotu, atu aproveita material nee ho diak,” dehan Gabriel Soares liu husi plenaria iha PN, Segunda nee (20/9/2021).

Nia hatutan, kuandu ida nee mak la akontese ona, entaun to’o ikus sei afeta ba sira nia futuru, liu – liu ba kualidade edukasaun.

Iha fatin seluk, Diretor Asosiasaun Defisiente Timor Leste, Cesario da Silva hatete, durante ema ho defisiensia hasoru difikuldade boot, hanesan estudante defisiensia atu asesu ba edukasaun, tanba aula online sira la partisipa masimu.

“Ami rekonese katak, ida nee mak meus fasilitasaun ladun diak ba ema ho defisiensia, tanba ema ho defisiensia iha limitasaun oin – oin,” dehan nia.

Entretantu, iha limitasaun konaba teknolojia katak, sira laiha telefone android, ho ida nee mak difikulta sira atu tuir aula online neebe mak iha.*

Reportajen: Blandina Mauno/Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...