PN Preokupa Profesores Voluntariu Seidauk Hetan Direitu

DILI, STLNEWS.co – Reprezentante povu iha uma fukun Parlamentu Nasional, Deputada Bankada FRETILIN Maria Anabela Savio, preokupa tebes ho profesores voluntariu, neebe to’o agora seidauk hetan sira nia direitu.

“Hau hanoin konaba profesores voluntariu sira kleur tebes ona, tanba hau mos profesora ida antes hau mai tuur iha nee, hau hetan ona hau nia direitu konaba retroativu ida nee, maibe to’o agora ita nia profesores balun seidauk hetan sira nia direitu,” dehan Deputada Maria Anabela Savio, liu husi plenaria iha Parlamentu Nasional, Segunda nee (04/10/2021).

Nia hatutan, tinan – tinan tau osan ba edukasaun no iha tempu ministra sesante Dulce de Jesus, iha orsamentu 2019 ninian.

“Hau rasik mak husu nia esplikasaun katak, osan los hotu ona no hein deit, atu transfer ba profesores sira nia bankaria, maibe to’o agora seidauk,” dehan nia.

Nia akresenta, profesores voluntariu sira balun servisu to’o tinan ualu ka sanulu resin, to’o agora governu seidauk rekonese, karik Ministeriu Edukasaun, Juventude, no Desportu (MEJD iha planu atu responde ida nee.

Hatan ba asuntu nee, Ministru Asuntu Parlamentar no Komunikasaun Sosial (MAPKOMS) Francisco Jeronimo hatete, “iha tempu liu ba profesores voluntariu fo lista ida, hau haruka tiha ona ba MEJD no ohin mai tan lista foun ida neebe hakerek ho liman, neebe hau mos sei lori fali ba MEJD atu haree,” dehan nia.

Governante nee dehan, sei koalia konaba profesores voluntariu, laos profesores neebe atu hetan kontratu ka salariu fulan – fulan.* Notisia kompletu lee iha jornal STL edisaun Tersa (05/10/2021).

Reportajen: Blandina Mauno/Domingas Soares

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...