PN Preokupa SAS Nakfila BTL, Hamosu Diskriminasaun

DILI, STLNEWS.co – Reprezentante povu iha uma fukun Parlamentu Nasional (PN), preokupa ho SAS neebe agora nakfilak ba bee Timor Leste, hodi hamosu diskriminasaun ba funsionariu antigu sira.

“Hau hanoin ita hotu hatene funsionariu hira, mak nakfilak an husi SAS ba bee Timor, sira sofre konsekuensia lubuk ida, tanba funsionariu sira neebe servisu ho durasaun tinan 10 laiha rekonesimentu, no balun agora la servisu,” dehan Deputada Bankada CNRT Virgina Ana Belo liu husi plenaria iha PN, Tersa nee (21/09/2021).

Nia hatete, sira neebe hetan tiha kontratu iha governu anterior, mais governu nee foin dadauk tama muda tiha SAS ba bee Timor, halo sira la hetan tiha sira nia diretu, no balu la servisu to’o agora.

Nia tenik, sira husu mos ba komisaun kompatente, bele hakat ba halo fiskaliza hodi haree sira nia kondisaun iha bee Timor nian.

Nunee mos, Deputada Bankada DP Elvina Souza hatete, husu ba komisaun E atu halo akonpanamentu ho diak ba rekrutametu funsionariu sira iha SAS hodi ba fali EP.

“Tanba, informasaun neebe hau rona, tuir lamentasaun sira neebe sira hato’o publikamente katak, sira sente diskriminadu ho rekrutamentu ida nee,” dehan nia.

Nia tenik, sira halo sira nia servisu durante tinan barak iha SAS, maske sira nia servisu nee todan, maibe durante tempu naruk, sira presta sira nia servisu ba iha SAS iha teritoriu tomak.*

Reportajen: Domingas Saores 

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...