PN Sei Kria Rezolusaun Asegura Servisu Profisional Saude

DILI, STLNEWS.co – Prezidente Komisaun F neebe trata asuntu Saude, Deputadu Noe da Silva hatete, semana oin Parlamentu Nasional sei kria rezolusaun hodi asegura servisu profisional saude sira nian.

Nia hatete, horiseik komisaun F halo audensia ho asosiasaun mediku sira i mai hatoo mos sira nia ejizensia ba PN, hodi tetu no bele haree tau konsiderasaun ba sira nia ejizensia.

Sira nia ejizensia nee mak haree liu ba akontesimentu sira neebe mak akontese iha Suai no Postu Saude Balibar, neebe akontese ba mediku sira neebe sidadaun sira la ho responsablidade hodi tolok mediku sira.

“Ami simu ejizensia sira nee no segunda oin mai, ami sei halo rezolusaun iha Parlamentu hodi fo votu saudasaun ba sira, i rezolusaun neebe Parlamentu hasai atu fo konsiderasaun ba sira nia servisu neebe mak durante nee sira halo ba ita nia rai,” dehan nia ba jornalista siran iha PN, Dili, Kinta (06/05/2021).

Aleinde nee, atu fo motivasaun mos ba sidadaun sira atu bele respeita ita nia autoridade sira neebe iha MS no sira neebe mak servisu iha lina frente, atu nunee sira bele halao sira nia servisu ho diak tau matan ba moras ida nee.

Nia hatutan, kuandu orgaun 4 nee mak fo nia votus saudasoens ba sira hau hanoin enkoraja sira hetan servisu diak liu tan, tanba ita hotu haree iha situasaun defisil ba sira maibe sira brani tebes atu hasoru situasaun ida nee.

Antes nee Prezidente Asosiasaun dos Infermeirus de Timor-Leste, Jose Dionisio Ximenes, hatete bazeia ba lei inan konstituisaun RDTL iha artigu 57 no mos lei sira aprova iha PN liu-liu ba sistema saude no lei organiku sira neebe lao ona, maibe mos husu atu kria tan lei ordem servisu ba profisional saude sira hotu.

“Tanba nee ami mai hatoo ba PPN ho deputadu sira hotu no mos prezidente Komisaun F, atu bele haree oinsa buka atu aselara lalais lei nee hodi fo protesaun ba pesoal saude sira bainhira halao sira nia knaar iha terrenu”, dehan nia.*

Reportajen: Domingas Soares/ Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: