DILI, STLNEWS.co – Reprezentante povu iha uma fukun Parlamentu Nasional (PN), liu husi Xefi Bankada KHUNTO, Deputada Olinda Guterres, sujere atu kareta boot ho kontainer atu halo movimentu iha tempu kalan deit, hodi labele prejudika fali trasporte sira seluk atu halo movimentu iha tempu loron, liu – liu ema sira neebe atu ba servisu.
Tuir Xefi Bankada KHUNTO, Olinda Guterres dehan, hakarak koalia konaba movimentu kareta kontainer sira neebe halao movimentu iha tempu loron.
“Hau husu ba MTK atu tau atensaun konaba kestaun ida nee, diak liu kareta boot ho kontainer halo movimentu iha kalan deit, tanba kareta kontainer sira nee lao loron taka dalan, halo ema sira neebe atu ba servisu too tarde, tanba sira maka taka tomak tiha dalan,” dehan nia ba jornalista iha PN, Sesta nee (08/04/2022).
Nia tenik, tan nee husu ba MTK atu haree oinsa kareta boot sira ho kontaneir nee halo movimentu iha kalan, labele lao loron.
(dom)
