PNTL Buka Tuir Prosesu Kazu Ro Mout

DILI, STLNEWS.co – Relasiona ho akontesimentu neebe ro mout iha loron 15 fulan Maiu nee, portavoz Komandu Jeral Polisia Nasional Timor-Leste (PNTL), Superintendente Xefe Arnaldo Araujo hatete, ekipa tomak sei halo hela identifikasaun ba akontesimentu nee, nunee hein prosesu investigasaun kauza husi ro mout.

Dehan Superintendente Xefe Arnaldo Araujo ba jornalista sira liu husi konferensia imprensa, neebe halao iha nia knaar fatin Caicoli, Dili, Tersa, (18/05/2021).

“Hakarak hatoo mos buat balun neebe viral iha media hanesan iha loron 15 fulan Maiu neebe akontese ro mout iha tasi laran, no iha ro nia laran tula mos ho ema nain 7, inklui mos sasan balun neebe maka konstrusaun nian, to agora ema nain 5 maka hetan ona, maibe la bele ona salva sira nain rua nia vida, no sira nain 3 seluk maka salva sira nia aan no sei moris hela,” dehan nia.

Nia dehan, sira nain tolu nee sei moris nee no oras nee dadauk iha hela HNGV hodi halo tratamentu ba sira nia saude, no sira seluk oras nee dadauk polisia maritima ho forsa naval sira sei buka hela too ohin loron.

“Prosesu ba kazu ida nee, Polisia Investigasaun Kriminal foti ona hodi hatene konaba kauza tanba saida maka ro nee mout, para ita hodi hatene katak kauza husi mina ka ou ema balun maka halo bakufila ka oinsa, tanba nee maka ita hein ninia prosesu investigasaun tuir mai,” hakotu nia.

Antes nee xefe suku Biqueli, Postu Admnistrativu Atauro, Daniel Martins hatete, mane nain 7 mesak Atauro oan hotu, hetan asidente iha tasi klaran ho ro mout, mane nain 7 nee, kompostu husi joven nain 4, nomos kazadu nain 3.

Xefe suku nee hatete, sira nain 7 atu halo viajen husi Dili ba Atauro maka hetan asidente nee iha tasi klaran, antes nee sira ho kondisaun neebe mak diak hela hanesan baibain.

Entretantu, Mariano da Cruz hanesan peskador neebe maka konsege hetan duni mate isin ida nia konta, iha lorokraik tuku 3 sira han meudia hotu, sira sai husi Atauro mai, diresaun Metinaro tama mai postu UPM depois sira deskansa uitoan, dadersan tuku 6 liu minutu balun sira matabisu hotu tiha sira halo ona planu atu halo buka tuir (operasaun) ba diresaun Komoro, Liquiça, Alor, no Atauro nian.*

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: