PNTL Firme Durante 24 Horas iha Lina Fronteira

DILI, STLNEWS.co – Segundu Komandante Jeral Polisia Nasional Timor-Leste (PNTL), Komisariu Mateus Fernandes hatete relasiona ho moras variante foun Delta – Alfa neebe sai preokupasaun publiku, oras nee ekipa iha lina fronteira nafatin firme durante 24 horas hodi asegura.

“Hau hanoin konaba virus neebe foun no virus neebe maka tuan, PNTL sira neebe iha fronteira 24 horas sira firme iha neeba hodi halo servisu hamutuk ho autoridade lokal no ema hotu nunee ita hotu bele prevene husi moras nee labele tama mai TL. Tanba virus variante ida nee perigozu tebes tanba nee ita hotu tenki kuidadu ita nia saude, tanba seguru nee iha ema idaidak nia liman,” dehan Segundu Komandante Jeral PNTL, Komisariu Mateus Fernandes ba jornalista sira iha salaun UEP Bairu Pite, Dili, Tersa (06/07/2021).

Nia dehan, seguransa iha fronteira ema hotu hatene katak polisia iha neeba, forsas armadas mos iha neeba inklui populasaun sira mos iha neeba, importante maka oinsa bele koopera ho diak hodi kontribui asegura regras sira neebe maka Ministeriu Saude fo sai ona, nunee bele ultrapasa lalais husi moras nee.

“Ami rona ona ida nee iha informasaun konaba ida grupu artemarsiais balun ba sae sabuk iha Indonezia neeba maibe atu dehan deit katak ba sidadaun hotu-hotu artemarsiais ka laos artemarsiais, virus variante nee la konese nia nee sese deit,” dehan nia.

Purtantu PNTL nia obrigasaun atu fo hanoin no Ministeriu Saude nia obrigasaun atu sosializa planu ho regras sira neebe maka mai husi Ministeriu Saude, nuunee ema hotu hotu bele seguru.

“Entermus seguransa polisia esforsu hela iha fronteira haree oinsa maka komunika ba ema hotu hotu atu labele lao ultrapasa fronteira tuir regras neebe maka Ministeriu Saude dehan,” dehan nia.

Mais individu ida ou rua kontinua ultrapasa regras sira iha neeba mos prega ona iha fronteira karik liu ba illegal, polisia tenki kaptura hodi prosesa tuir lei neebe maka vigora ona iha rai laran.

“Tanba tuir lei nee se mak pasa liu fronteira klaru tenki tuir lei neebe maka vigora,” hakotu nia.

Iha fatin hanesan Vice Ministru Interior, Antonio Armindo hatete iha Konsellu Ministru semana kotuk iha rekomendasaun husi Sentru Intregadu Jestaun Krize totalmente atu taka fronteira maibe sira mos iha diskusaun hela.

“Hau mos hanoin fo hatene ba ita nia ministru buka meius neebe maka diak liu purtantu iha dalan rua, ida totalmente taka ita iha numeru pasajem ilegal nee sae fali, tanba ema hotu hotu atu liu husi dalan legal nee laiha,” dehan nia.

Mais bainhira dalan legal nee loke tuir horariu hanesan akontese dadauk nee haree pasagem ilegal nee kuaze laiha, barak liu tolu deit, purtantu nee diak, aleinde nee koalia mos ho komandante jeral atu bele koalia ho Komandante Unidade Polisia Fronteira (UPF) atu bele servisu hamutuk ho autoriedade lokal sira iha fronteira, joven sira, inklui komunidade sira nunee bele haree seguransa.

“Tanba UPF ho F-FDTL mesak mos sei la halo buat ida tanba nee ita presiza kontribuisaun sidadaun hotu hotu iha fronteira nunee bele mellora ita nia servisu ho diak, liu liu ba importasaun moras sira tuan, inklui mos foun nee,” hakotu VMI.*

Reportajen: Efizenia da Costa
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: