PNTL Husu Komunidade Kumpre Rezolusaun

DILI, STLNEWS.co – Komandante Polisia Nasional Timor Leste, (PNTL) Komisariu Faustino da Costa, husu komunidade kumpre rezolusaun neebe governu fo sai ona hahu husi estadu emerjensia, estadu de kalamidades, serka sanitaria inklui kapital Dili reforsa ho konfinamentu domisiliariu, ho nunee komunidade labele sai arbiru bainhira la iha presiza neebe urjente. Komisariu nee hatete, iha situasaun neebe Timor infrenta hela pandemia ou virus SARS-COV-2, neebe mak sai hanesan problema global.

“Pandemia ida neebe afeta ba mundu no husi Organizasaun Mundial Saude deklara ona nuudar pandemia global, nunee Iha Timor Leste mos horas nee kazu husi pandemia ida nee sae makas no PNTL nuudar autoridade seguransa neebe sei implementa ba fiskalizasaun ba movimentu sira hotu,” hatete Komisariu Faustino, liu husi konferensia imprensa, neebe halao iha Komando Polisia Nasional Caicoli, Segunda, (03/05/2021).

Nia hatutan, populasaun tomak presiza hatene katak Governu Timor Leste ohin loron hamosu ona rezolusaun balun hodi deklara hahu husi estadu emerjensia, estadu de kalamidades no serka sanitaria inklui kapital Dili reforsa ho konfinamentu domisiliariu, populasaun tomak presiza hatene katak konfinamentu domisiliariu nee hatudu katak ema hotu-hotu so hela iha uma deit.

“Iha serka sanitaria neebe aplika ba munisipiu sira hanesan Ainaro, Baucau, Covalima, Ermera, Dili, Lautem, Liquiça, Manufahi, no Viqueque, nuudar parte ida neebe PNTL nia obrigasaun hodi garante katak serka sanitaria nee hodi kria disiplina iha komunidade no bairru hotu, atu evita transmisaun husi Covid-19 neebe sae makas iha Timor Leste,” dehan nia.

Komandante PNTL nee afirma, konfinamentu domisiliariu jeral iha kapital Dili nee ho objetivu atu salva ema hotu, atu nunee populasaun hotu labele afeta ou kona husi virus Covid nee rasik. Ho nunee, komunidade presiza kumpre liu husi dalan hela deit iha uma no labele sai bainhira laos nesesidades urjente. Ba ema hotu-hotu tenke uza maskra iha neebe deit no bainhira deit, koloka nuudar tradisaun hodi fase liman beibeik, no mos evita kontaktu fisiku no mantein distansia sosial.*

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: