PNTL Investigador Simu Formasaun Juridiku

DILI, STLNEWS.co – Polisia Nasional Timor Leste (PNTL) husi Departamentu Investigador, tuir formasaun konaba direitu penal nian, hodi hasae sira nia kapasidade servisu, liu – liu iha terenu.

Tuir Segundu Komandante Jeral PNTL, Komisariu Polisia Mateus Fernandes, durante nee ema hotu hatene katak, polisia nee servisu durante 24 horas iha komunidade nia leet, no sempre hasoru dezafiu oin – oin iha kampu, konaba akontesimentu neebe mak sempre akontese, liu – liu ligasaun ordem publika, maibe polisia sempre hasoru difikuldade.

“Ohin Komando Jeral koopera ho sentru treinamentu juridiku, Ministeriu Justisa nian, ita fo kursu ba ofisiai sira neebe mak servisu iha investigasaun kriminal, nunee sira bele mellora diak liu tan sira nia kapasidade, liu – liu iha direitu prosesu penal,” dehan nia ba jornalista sira iha CFT Akademik Comoro, Dili, Tersa nee (21/09/2021).

Nia hatete, nunee to’o tempu neebe prosesu kazu nian, liu – liu superior sira, nomos sira neebe mak soldadu sira nee, bele hadia mos sira nia servisu iha terenu. Enkuantu ofisiais sira nee tuir formasaun durante semana rua nia laran.

Iha fatin hanesan, Komandante Centru Formasaun Polisia (CFP), Superintendente Xefe Arquimino Ramos hatete, materia neebe mak sira simu nee kodigu penal, neebe liga liu ba artigu sira neeebe mak iha, oinsa mak bele servisu hamutuk ho Ministeriu Publiku, tanba nee mak artigu sira neebe liga ho polisia ninian, tantu ba kodigu prosesu penal atu oinsa mak ita nia investigador sira konese didiak malu.

Nia hatete, polisia sira laos mai husi investigador deit, maibe iha mos sira husi departamentu juridiku, no sira aprende oinsa mak prosesu disiplina sira nee, para bele separa prosesu deskriminal.*

Reportajen: Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...