PNTL Kaptura Sidadaun Neebe Lao Ilegal

DILI, STLNEWS co – Polisia Nasional Timor Leste (PNTL) kaptura ona sidadaun nain 9, neebe lao ilegal husi Timor Leste ba iha Indonezia.

Kestaun nee hatoo husi Komandante Jeral Polisia Nasional Timor Leste, Komisariu Faustino da Costa ba jornalista, bainhira remata hasoru malu ho Prezidente Republika, Francisco Guterres Lú Olo, iha Palasiu Prezidensial Nicolau Lobatu, Bairru Pite, Dili, Kinta (22/07/2021).

“Ami enkontru ho Prezidente Republika ita boot sira akompanha semanalmente para atu aprezenta situasaun aktual anivel teritoriu nasional, ke situasaun lao diak no kontroladu, maibe ita sidadaun balun mak tenta para halo nafatin atividade sira ultrapasa fronteira ilegais nemak ami aprezenta hela, ita halo ona kapturasaun ba sira nebee mak koko atu sai, no balun sai ona,” hatete Komandante PNTL.

Komandante PNTL nee hatete, seguransa iha fronteira nafatin kordena ho entidade hotu liu liu autoridade komunitariu sira neebe mak iha Fronteira tantu parte tasi nia mos ida nee mak aprezenta ba Prezidente Republika.

Nunee mos kona ba virus Delta neebe mak iha nasaun vizinu Indonezia iha ona, Komjer hatete, se lakoi atu moras nee tama mai iha Timor Leste mak para ona ho illegal sira nee.

“Hanesan mos ita boot sira akompanha virus nee ita rona katak iha ona rai ketan sorin nee iha ona, saida mak ita hakarak se ita lakoi buat nee too iha ita nia rai mak buat sira illegal nee tantu ema ka hola sasan sira be illegal nee diak liu hapara tanba polisia sei la tolera ida nee akontese” katak nia.

Nunee mos sidadaun neebe mak ultrapasa ilegal polisia kaptura oras nee sei kumpre hela regra estadu emerjensia nia submete ba karantina, maibe kuandu livre ona husi karantina mak kontinua halo prosesu investigasaun.

Nia hatutan, ba sira neebe mak lao ilegal lei mos hatete ona katak sei mos sujeitu ba prosesu, kon aba adminitrasaun nee so diresaun serbisu imigrasaun mak so bele aplika hodi bele utiliza lei imigrasaun nia.

Iha enkontru nee Prezidente Republika, Francisco guterres Lú Olo mos husu komando atu mantein aktualiza nafatin situasaun rai laran nia, no segundu mak husu polisia kontinua halo serbisu nafatin no buat neebe mak knaar no responsablidade komando nia kontinua haree ba ida nee.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: