PNTL La Tolera Autor Neebe Lansa Voice Iha Medsos

DILI, STLNEWS.co – Komandante Jeral Polisia Nasional Timor Leste (PNTL), Komisariu Polisia Faustino da Costa, husu ba movimentu transporte publiku sira iha parte Leste kontinua halo movimentu, no PNTL sei nafatin asegura seguransa ba fatin sira neebe identifika ona, polisia sei la iha toleransia ba autor sira neebe kontinua espalha voice iha media sosial (Medsos).

Nia dehan, komando nia orientasaun nee klaru ona, dezde simu voice sira nee, sira mos identifika ona ema balu liu-liu iha area sira neebe mak rona ona husi voice sira nee hotu.

“Hau hanoin movimentu publiku nee tenki kontinua lao, importante mak oinsa polisia sira asegura nafatin seguransa, katak ema sira halo movimentu nee bele senti livre no la iha sentimentu tauk ruma, nunee PNTL sei la iha toleransia ba sese deit mak komete iha kazu refere, no PNTL sei foti medidas neebe mak rigorozu,” dehan nia ba jornalista sira iha Timor Plaza, Dili, Segunda nee (25/04/2022).

Nia informa, PNTL nafatin asegura seguransa tanba laos deit polisia mesak. maibe sira mos hetan apoiu husi Unidade Espesial Polisia (UEP), tantu mos unidade apoiu sira seluk.

Iha fatin hanesan, Komandante Munisipiu Baukau, Superintendente Xefi Polisia Antonio Maria de Sa informa, Komando PNTL Baukau halo nafatin check point bazeia ba espalha informasaun hirak nee, tantu autor balu  kaptura tiha ona no sira kontinua identifika, neste momentu bis ho pasajeiru neebe mak husi parte Leste nian, dirasaun Lospalos, Vikeke lao normal hela iha area juridiku Baukau seidauk mosu insidente ka asidente ruma, tuir informsaun neebe mak individu balu espalha iha media social, tanba nee iha area juridiku Baukau nian kontroladu.

“Bis Baukau no Lospalos kontinua lao normal, bazeia ba informasaun sira neebe espalha iha media sosial tantu Polisia Nasiona Timor Leste liu-liu komandante munisipiu sira halo identifikasaun ona, balu kaptura ona no balu sei kontinua buka tuir, klaru katak iha tempu badak sei submete ba prosesu hodi responsabiliza ba sira nia hahalok nee,” dehan nia.

Tanba nee, husi parte Baukau nian, PNTL kontinua check point nafatin ba pasajeirus sira neebe mak mai husi parte Leste nee nian, nunee bele garante katak, sira bele halo atividades livre hanesan baibain.

(efi)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...