PNTL – PSIK Halo Identifikasaun ba Festa Nain Colmera

DILI, STLNEWS.co – Polisia Nasional Timor-Leste (PNTL) liu husi Polisia Servisu Investigasaun Kriminal (PSIK), halo ona identifikasaun ba CP no JAP nuudar inan no oan, neebe halao serimonia festa iha areadores Colmera, tanba kontra rezolusaun governu.

Portavoz Komando Jeral Polisia Nasional Timor Leste, Superintendente Xefe Arnaldo de Araujo informa kestaun nee ba jornalista sira liu husi komferensia imprensa iha nia knaar fatin Komjer Caicoli Dili, Kinta (06/05/2021).

“Hakarak fo hatene tan katak iha akontesimentu ida neebe mak ema halo festa iha situasaun de emerjensia oras nee dadauk no Polisia Nasional Timor Leste, liu husi Polisia Servisu Investigasaun Kriminal (PSIK), halo ona identifikasaun ba festa nain neebe mak iha nain rua kompostu husi oan no inan ho naran inisial CP nomos oan naran JAP,” dehan nia.

Nia hatete, agora dadauk identifika ona sira, nomos PSIK sei nafatin buka tuir tan ema sira neebe mak involve hodi organiza mos serimonia festa ba festa nee.

“Ami mos hakarak fo sai ba publiku katak durante estadu emerjensia kuaze semana ida liu ba PSIK mos identifika ona ema hamutuk 95 ho nia tipu kazu haat, kazu nee bolu hanesan desobidensia sira nee mak la kumpre estadu emerjensia, tanba nee agora dadauk sira nia prosesu nee sei lao hela no lori ona ba iha Ministeriu Publiku,” dehan nia.

Nia hatutan tan, PNTL mos identifika hotu ona ema neebe mak involve iha festa neeba, polisia mos sei nafatin bolu tan se karik iha ema balun seidauk identifika. Tanba nee fo fiar ba polisia, nunee polisia hodi halao nia servisu ho diak.

“Tanba nee mak hau dehan komando iha ona nia regras no lei disiplina rasik, karik iha membru PNTL balun mak asiste iha festa neeba mos zona PNTL sei pasiva ba nia tuir regras neebe mak iha ona PNTL nian rasik,” hakotu nia.*

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: