PNTL Sei Investiga Komunidade Sira Selebra Loron Restaurasaun iha Tasitolu

DILI, STLNEWS.co – Komandu Polisia Nasional Timor-Leste (PNTL), loke ona prosesu investigasaun ba komunidade sira neebe selebra loron Restaurasaun Timor-Leste nian iha Tasitolu iha ambitu serka sanitaria nian laran.

“Ita boot hatene horisehik, horibainrua mos ami haruka Polisia sira mos ba halo ona atuasaun iha fatin ne’eba,” dehan Komandante Operasaun Nasional PNTL, Superintendente Xefe, Pedro Belo iha konferensia imprensa, neebe halao iha Kuartel Jeral PNTL, Kaikoli-Dili (25/05/2021).

Nia haktuir, dadaun nee prosesu investigasaun ba komunidade sira nee lao hela, tanba nee husu komunidade sira atu iha konsensia hodi kontinua kumpri regras serka sanitaria, no konfinamentu obrigatoriu.

Durante nee Polisia halo ona investigasaun ba komunidade hamutuk 250 neebe mak la obedese ba regras serka sanitaria, no konfinamentu obrigatoriu.

“Agora ami halo prosesu investigasaun ba ema sira neebe mak violas regras sira nee hamutuk 253 pesoas,” dehan nia.

Maske nunee, Polisia iha maneira para halo nusa komunidade tenke kumpri regras serka sanitaria no konfinamentu obrigatoriu.

“Oras nee polisia atu halo investigasaun, maibe la signifika katak hotu hotu polisia tenke ulun hotu mai, se mai mak barak iha nee ema bele hatete dehan Polisia la profesional, baku ema, tuku ema, ida nee mak imi julga, mais hanesan konaba polisia nian diak nee ema la haree ida,” dehan nia.

Enkuantu, antes nee komunidade Tasitolu hamutuk ho lider karismatiku Kay Rala Xanana Gusmão halibur malu hamutuk hodi selebra loron restaurasaun independensia Timor-Leste ba dala 19 iha Tasitolu, no Hera.

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: