PNTL Sei La Tolera Ema Sira Neebe Tenta Halo Festa iha EE da-9

Porta-voz Komando Jeral, Polisia Nasional Timor Leste (PNTL) Superintendente Xefe Arnaldo Araujo. (Foto: STL/Claudios de Jesus)

DILI, STLNEWS.co – Porta-voz Komando Jeral, Polisia Nasional Timor Leste (PNTL) Superintendente Xefe Arnaldo Araujo, apela ba komunidade sira, iha Estadu Emerjensia da-9, atu labele halo festa kultura nian, tantu festa kazamentu, tamba PN sei la tolera ema sira neebe maka tenta halo festa.

Nia hatutan ho Estadu Emerjensia da-9, no Liu husi dekretu Prezidente da Republika no. 73/2020. no dekretu Governu ba 2021, ho nunee rekomenda ba populasaun sira hotu hodi bele kumpri regulamentus no regras hirak neebe maka fo sai ona

“Hanesan lao tenser uza maskra, ema neebe mak la iha interese atu sai diak liu hela nonok iha uma. Alende nee mos apela ba komunidade sira hodi bele mantein no kumpri nafatin distansiamento sosial.” dehan nia ba jornalista sira liu husi konferensia imprensa iha nia knaar fatin, Komando Jeral Caicoli Dili, Tersa, (05/01/2021).

Alende nee, Arnaldo Araju mos informa katak, ba Estadu Emerjensia da-9 nee, sei la iha tan festa ba kultura nian, no husu atu komunidade sira bele hapara hotu, no mos kualker festa kazamentu ninian.Tamba PNTL sei la autoriza kualker ema ida, atu bele halo festa iha estadu emerjensia da-9 nee, bainhira iha ema atu halo Festa, PNTL sei la tolera.

“Se karik sira obriga atu halo nafatin, Polisia sei foti atuasaun ba ema sira nee, no sei kriminaliza sira ho lei neebe maka vigora ona iha Ita nia rai.” Dehan nia.

Iha biban nee mos Porta-voz afirma, hare liu ba iha area fronteira nian, hanesan iha area fronteira RAEOA (Oecusse), dadauk nee taka total, no transporte sei la lao ba-mai, no aviaun mos sei la semo ba mai.

“Tamba Ita hatene katak iha neeba mos moras Covid aumenta, tamba nee fo hatene ba komunidade sira atu halo viazen ba iha Oecusse karik, iha tempu ida nee, seidauk bele atutoriza sira ba iha neeba.” tenik Porta-voz Komando Jeral, Polisia Nasional Timor Leste (PNTL) nee.

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here