Polisia Sei Taka Dalan Tama-Sai Dili

Segundu Komandante Polisia Municipiu Dili, Superintendente Asistente Polisia, Euclides Belo. (Foto: Espesial)

DILI, STLNEWS.co – Bainhira governu deside lockdown ba area Dili laran, parte Polisia Munisipiu Dili prepara ona ekipa task force hamutuk 50 resin, hodi koloka halo seguransa ba iha fatin haat (4), neebe sai hanesan dalan tama sai ba kapital Dili nian.

Liu husi konferensia imprensa, Segundu Komandante Polisia Municipiu Dili, Superintendente Asistente Polisia, Euclides Belo ba jornalista katak, Komando Munisipiu Dili liu husi enkontru ida neebe maka Segundu Komandante Euclides rasik maka dirije hodi prepara ekipa task force hodi bele garante seguransa iha Munisipiu Dili, bainhira governu deside lockdown ba kapital Dili.

“Pesoal neebe maka ita prepara nee kuaze 50 oital, neebe sei koloka ba fatin haat (4) neebe mak PNTL rasik identifika ona,” dehan nia iha Komando Munisipiu Dili, Caicoli, Segunda (08/03/2021).

Nia hateten, fatin 4 neebe maka PNTL identifika nee hanesan fatin movimentu tama sai ba kapital Dili nian.*

Reportajen: Claudios de Jesus
Editora: Domingas Gomes

LEAVE A REPLY

Please enter your comment!
Please enter your name here