Politika Desentralizaun Tenke Kontinua

Politika desentralizaun laos foin hahu iha governu ida nee, maibe inisiativa nee hahu kedas iha governu anterior, tanba nee tenke kontinua. (Foto: Facebook)

DILI, STLNEWS.co – Politika desentralizaun laos foin hahu iha governu ida nee, maibe inisiativa nee hahu kedas iha governu anterior, tanba nee tenke kontinua.

Deputadu Aderito Hugo hatete politika desentralizaun laos foin hahu iha governu ida nee, maibe inisiativa nee hahu kedas iha governu anterior, tan Munisipiu hat neebe governu anterior prepara ona atu desentralizasaun nee, governu ida nee sei rekonese ka lae.

Nia hatutan, munisipiu 4 nee mak hanesan Baucau, Dili, Ermera no Bobonaro, tanba tuir informasaun katak estatuta nee muda ona karik.

“Hau hanoin desentralizasaun nee tenke lao duni, tanba ida nee politika governu anterior nian neebe konklui hela, maibe pendente hela husi orgaun seluk, ita hatene lei poder lokal aprova ona iha Parlamentu Nasional, iha terseira lejislatura aprova tiha ona lei poder lokal, lei elisaun munisipiu, maibe kaduka tiha iha Prezidente Republika nia nia meza. Tanba nee implementa desentralizaun laos buat foiun, maibe nee politika governu anterior nian,” dehan Deputadu Aderito Hugo liu husi intervensaun iha debate OJE 2021, iha Parlamentu Nasional, Kuarta (02/12/2020).

Nia afirma lolos nee progrema desentralizaun nee lao kleur ona, maibe tanba Impase politik maka lori impedementu programa sira nee, tanba nee politika desentralizasaun laiha rezerva.

“Hau hanoin politika desentralizasaun laiha rezerva, ita hotu komprimitidu tan nee konselu nasional atu halo desentralizaun atu nunee atendimentu publiku nee mais pertu ba povu, laos deit iha Dili maibe bele iha Munisipiu sira,” dehan Deputadu Aderito Hugo.

Antes nee Prezidente Auturidade Munispiu Ermera, Jose Martinho dos Santos Soares hateten, Munisipiu Ermera preparadu atu simu programa desentralizasaun, tanba munisipiu ida nee hanesan Munisipiu neebe identifika kleur ona, maibe seidauk realize, tanba nee atu dehan deit katak Ermera prontu.*

Reportajen: Madalena Horta
Editora: Carme Ximenes

LEAVE A REPLY

Please enter your comment!
Please enter your name here