Populasaun TL Simu Hotu Vasina, Tinan Oin Papa Francisco Vizita TL

DILI, STLNEWS.co – Reverendissima Enkarregadu Negosius husi Santa Se, Monsinhor Marco Sprizzi hateten, posibilidade boot iha tinan 2022 Amu Papa Francisco sei vizita Timor Leste wainhira sidadaun sira simu hotu ona vasina.

Tuir nia, dadaun nee Covid-19 alarga ona iha nasaun hotu-hotu, tanba nee wainhira populasaun sira iha maioria simu ona vasina mak permite Papa Fransisco sei vizita mai Timor Leste.

Monsinhor Marco Sprizzi. (Foto: STL/Alberto Menezes)

“Rekadu husi Papa mai Prezidente Republika kona ba vizita anterior, nia (Papa Francisco) konfirma ona katak iha vontade atu vizita mai Timor Leste se wainhira kondisaun vasinasaun ba sidadaun sira iha situasaun pandemi, tanba nee ita hotu hein iha fulan primeiru tinan oin 2022 no Papa dehan mai hau, hau sei ba vizita Timor Leste,” dehan Monsinhor Marco Sprizzi hafoin enkontru ho Primeiru Ministru Taur Matan Ruak iha rezidensia Xefe Governu, Farol, Sesta (23/07/2021).

Tanba nee atu fasilita vizita mai, nia enkoraja povu Timor Leste hotu atu simu vasina hodi nunee iha kondisaun neebe diak hodi defende ema nia imunidade.

Iha okaziaun nee Papa Francisco hatoo nia agradesimentu tanba Governu Timor Leste aprova ona lei migrasaun ba misionariu sira hodi halao misaun sira iha Timor Leste.

“Enkontru ho Primeiru Ministru nee lori Amu Papa Francisco nia mensajen agradesimentu ba Primeiru Ministru ba aprovasaun lei, neebe halo mudansa lei imigrasaun hodi vistu atu misionariu sira hodi fo permisaun atu iha rezidensia temporaria ba tinan lima. Ba misionariu sira neebe mai ba povu iha Timor Leste, nia hatoo nia mensajen liu husi hau hodi hatoo ba Primeiru Ministru,” dehan Monsinhor Marco Sprizzi.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: