Posibilidade Lere Kandidatu Ba PR 2022

DILI, STLNEWS.co – Relasiona ho Eleisaun Prezidensial ba tinan 2022 neebe besik ona, observador politiku/akadwmista Universidade Nasional Timor Lorosae (UNTL), Januario Correia hatete, posibilidade Xefe Estadu Maior das Falintil Forsa Defeza Timor-Leste (F-FDTL), Tenente Jeneral Lere Anan Timur bele kandidatu an ba Prezidente Republika.

Tuir nia, atu nomeia se deit bele nomeia, bele mai husi partidu politik, grupu sosiedade sivil ou individu neebe hakarak kandidata an, tanba hatur ona iha KRDTL artigo 75 katak, sidadaun Timor-Leste idade 35 ba leten, iha kapasidade, neebe hetan apoio husi eleitores nain rihun lima.

“Iha konstitusaun ladehan kandidatu PR tenke mai husi akademiku, ou mai husi igreja, konstituisaun hatur klaru ona, lider frente armada hanesan Prezidente atual Dr. Francisco Guterres Lú Olo, sei bele kandidata an nafatin tuir konstituisaun haruka tuir konstitusaun haruka, karik kandidatu seluk bele hanesan Jeneral Lere, iha posibilidade kandidata an,” dehan nia ba STL liu husi telefone, Kinta (24/06/2021).

Iha fatin ketak, membru Sosiedade sivil, Novelino dos Santos haktuir, Prezidente Republika neebe bele asegura estadu ho lei no demokratiku. Lei tenke funsiona, demokrasia tenke funsiona. Prezidente Republika neebe bele rona sosiedade no publiku em jeral.

“Ita hakarak maka Prezidente Republika nee ida neebe bele hakbesik an ba povu hodi rona no haree direta moris real populasaun sira nian,” tenik Novelino.

Nia dehan, nunee mos Prezidente Republika nee uza oportunidade reuniaun regular ho Governu bele deskute posibilidade ba solusaun Prezidente Republika neebe promove dialogu saudavel.*

Reportajen: Santina Castro
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: