DILI, STLNEWS.co – Governu liu husi Ministeriu Agrikultura Pekuaria Peska no Floresta (MAPPF) sei luta makaas hodi redus importasaun naan Ayam Pontong husi rai liur, tanba oras nee daudaun halo ona kooperasaun ho Governu Indonezia hodi hatama manu broiler mai Timor Leste (TL).
Diretor Jeral Pekuria no Veternaria iha MAPF, Domingos Gusmao hateten, Governu TL halo ona kooperasaun ho Governu Indonezia hodi hatama manu broiler mai hakiak iha TL, tanba nee empreza Timor oan sira hakiak iha fatin-fatin, maski seidauk sufisiente, no governu nafatin halo akompanhamentu. Ba oin bele hasae produsaun manu, hodi redusaun ayam potong husi rai liur. “Ami mos halo ona koordenasaun ho Governu Indonezia, bele autoriza hatama manu broiler mai TL, sira hatama mai pakote ho manu nia hahan hotu. Ida nee bele fasilita diak liu tan hakiak nain sira, tanba haree ba naan importasaun kontamina ona,” dehan Diretor Jeral Pekuria no Veternaria, Domingos Gusmao ba STL iha nia knaar fatin MAPPF Komoro, Sesta (04/08/2023).
Nia afirma, empreza sira neebe hakiak manu nee fasilita husi Diresaun Jeral MAPF nian, no halo mos asistensia husi MAPF. No naan impotasaun sira nee folin baratu, tanba sira la probelema ba manu nia hahan, manu broiler faan ho presu US$ 6 ka US$ 7, tanba hatama mai husi Indonezia pakote hotu ho manu nia hahan.
(mad)
