Povu Hakmatek Iha Uma

Foto: Google

DILI, STLNEWS.co – Bainhira governu implementa serka sanitaria iha kapital Dili no munisipiu sira seluk, atividades hotu paradu no povu hakmatek iha uma, atu nunee bele prevene surtu Covid-19 iha rai laran.

Kestaun nee hatoo husi Sergio Marques, hanesan nain ba kompania Sermarque Unip.Lda, ba STL liu husi telefone, Sesta (19/03/2021).

Nia dehan, hanesan Timor oan apresia ho inisiativa governu nian, neebe desidi aplika serka sanitaria ba Covid-19 iha kapital Dili, tanba ho implementasaun ida nee, komunidade sira hakmatek iha uma, transporte publiku la halai, loja sira neebe faan sasan bangunan taka, no ida nee faan nesesidade baziku kontinua loke.

“Nuudar sidadaun ida, orgullu tanba ho Covid-19, ita nian governu foti kedas inisiativa, hodi implementa serka sanitaria nee, ita hakmatek deit iha uma, husik ba parte relevante sira mak bele halo sira nian servisu, karik ita atu sai ba fatin publiku, husu uza maskra, ita tenke kumpri regras hirak nee,” nia dehan.

Nia hatete, fo apoiu nafatin inisiativa neebe diak husi parte governu no estadu nian, no komunidade hotu presiza koopera ho governu, karik la presiza buat ruma, diak liu hakmatek iha uma, no labele lao sai ba mai.*

Reportajen: Jacinta Sequeira
Editora: Carme Ximenes

LEAVE A REPLY

Please enter your comment!
Please enter your name here