Povu Hamlaha, Governu Fahe Receiver

DILI, STLNEWS.co – Iha situasaun pandemia nia laran, povu barak sofre hela ba hamlaha, maibe governu fahe fali deit mak receiver, lolos nee fahe aihan ruma ba povu, han hodi aguenta moris iha situasaun agora.

Kestaun nee fo sai husi reprezentante povu iha uma fukun Parlamentu Nasional, Deputadu Bankada CNRT, Patrocino Fernandes liu husi sesaun plenaria Segunda nee (20/09/2021) iha Parlamentu Nasional.

“Iha Dili laran ema fahe receiver tama sai uma, komunidade balun seidauk simu aihan sesta bazika, maibe sira simu deit fali receiver, tanba nee ami atu husu deit, fahe receiver nee tama iha programa rekuperasaun ekonomia ka programa ida neebe, tanba haree ba kondisaun real, povu balun halerik ba hahan, maibe governu fahe fali deit receiver, no tuir metadolojia fo sai, Timor Leste sei iha ameasa ba dezastre, nusa governu la prepara mak aihan ba povu,” dehan Deputadu CNRT nee.

Nia afirma liu tan, liu husi orsamentu retifikativu neebe dabate urjente iha uma fukun ida nee, dehan atu rezolve lalais problema dezastre naturais neebe akontese, maibe to’o agora povu barak sei hela iha lona okos, no governu fahe fali deit receiver ba povu, iha situassaun difisil ida nee.

Hatan ba preokupasaun nee, Ministru Asuntu Parlamentar, e Komunikasaun Sosial, Francisco Jeronimo hatete, liga ho fahe receiver ba komunidade sira nee, tanba halo diversifikasaun ba RTTL Ep, tanba nee governu halo hela distribuisaun antena ho receiver ba komunidade sira, distribuisaun nee laos iha Dili deit, maibe munisipiu hotu.*

Reportajen: Madalena Horta/Domingas Soares

Editor : Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...