Povu Hamlaha, La Merese Sosa Kareta Foun Ba PN

DILI, STLNEWS.co – Deputada Bankada Partidu Demokratiku (PD) Elvina Sousa afirma, agora dadaun povu hamlaha no povu balun sei hela iha lona okos, tanba nee la merese atu sosa kareta foun ba Parlamentu Nasional (PN). 

Nia dehan, dezde horiseik to’o ohin loron, konsellu administrasaun hetan kritika makaas, maibe atu hatete, konsellu administrasaun liu husi nia membru sira, neebe nomeia husi kada bankada, maibe la naran foti desizaun, tenke liu husi diskusaun ida neebe klean, foin maka bele foti.

“Agora konaba kareta iha tempu neeba ami hanoin katak, ho tempu ida Covid-19, tempu neebe ema sei hamlaha no ema barak sei iha tenda okos, la merese atu ba hola kareta agora,” dehan nia liu husi plenaria iha PN, Tersa nee (05/10/2021).

Nia hatutan, tanba nia tempu la pas, nomos la oportunu duni para atu hola kareta foun, tanba ema barak maka sei iha susar. 

Aleinde nee, Deputadu Bankada CNRT Domingos Carvalho hatete, tau proridade liu ba tekniku ho polisia sira, duke deputadu orgaun soberanu ida loke benkel tuir – tuir dalan ba kareta dodok.

Nia tenik, nusa la manda hotu ona ba patrimoniu, para bele aluga deit fali taxi ka motor ruma laiha problema.

Nia hatutan, labele enkamina ba prezidente tau ba iha planu para hola kareta, laos hatete fo ba hau, maibe kareta kondisaun aat ona, pelumenus fo kareta diak para bele uza.*

Reportajen: Domingas Soaares

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...