Povu Husu Horta – Lú Olo Fuan Boot Simu Rezultadu Eleisaun

DILI, STLNEWS.co – Povu Timor Leste husu kandidatu Prezidente Republika, Francisco Guterres  Lú Olo no Jose Ramos Horta, atu fuan boot hodi simu rezultadu eleisaun prezidensial segundu volta periodu tinan 2022-2027.

Eleitor Martinho de Deus Pequin hatete, iha nasaun adota sistema demokrasia, wainhira kandidatu balu lakon iha eleisaun prezidensial tenki ho fuan boot simu rezultadu nee.

“Iha nasaun demokrasia tenki ho fuan boot atu simu rezultadu eleisaun prezidensial nee, tanba iha nasaun demokrasia ida neebe mak lakon nee tenki simu,” dehan Martinho ba STL, iha sentru votasaun 03 Bairru Pite, Dili, Tersa nee (19/04/2022).

Eleitor nee afirma, wainhira kandidatu nain rua ida mak eleitu ba Prezidente Republika, tenki serisu tuir promesa neebe durante nee sira hatoo ona ba eleitor sira liu husi komisiu politika durante kampanha eleitoral.

Iha biban nee eleitor nee mos dehan, nasaun daudaun nee ukun husi lider nasional sira, lo-loos nee uza politika neebe diak hodi liberta povu nee husi kiak. “Se ita nia lideransa sira la hanoin ida nee, sira mesak ailaran mak ukun maibe povu terus nafatin, tanba nee husu sira atu uza politika ida neebe ho konsiensia hodi lori nasaun nee ba oin, nunee povu labele terus beibeik ba ukun sira nee,” dehan nia.

Nia dehan, uluk lider hamutuk luta hodi liberta nasaun nee husi invajor sira, nunee iha ukun an lider sira mos presiza serisu hamutuk hodi lori dezenvolvimentu ba nasaun nee.

“Iha okupasaun Indonezia durante tinan 24 nee povu terus liu ona, tanba iha ukun aan nee ita laran metin hela ba sira ukun nasaun nee nusa la halo politika neebe diak, maibé buat hotu-hotu ho odiu vingansa lakoi hamutuk hodi liberta povu nee husik kiak,” tenik nia

Antes nee Igreja Katolika Timor Leste liu husi Konferensia Episkopa Timorense (CET, Sigla Portugues) husu kandidatu Prezidenti Republika (PR), Jose Ramos Horta no  Fransisco Guterres Lú Olo,  atu simu rezultadu eleisaun prezidensial periodu  2022-2027 iha segundu volta ho fuan boot.

Koordenador Jeral ba Programa Edukasaun Sidadania, Pe. Domingos  Soares Maubere hatete, iha eleisaun prezidensial segunda volta nee kandidatu ida sei manan no lakon tanba nee husu atu simu rezultadu nee ho fuan bot.

“Iha festa demokrasia nee ema hotu sei partisipa ho haksolok, maibe kandidatu sira nee ida sei manan no lakon, tanba nee iha kompetisaun sira hanesan nee ita tenki fuan bot nafatin no pronto atu simu manan ga lakon, ida sei nee hatudu ita nia fuan bot no esperitu ema neebe mak moris iha sosiedade nia laran,” Koordenador Jeral ba Programa Edukasaun Sidadania, Pe. Domingos .

Pe. Domingos Maubere afirma, kandidatu ida neebe lakon sei iha nafatin oportunidade atu compete nafatin wainhira manan hodi halao knaar hanesan Xefe estadu hodi serbi povu no rai ida nee.

Entretantu iha eleisaun prezidensial ronde primeiru kandidatu Prezidenti husi partidu Fretilin, Fransisco Guterres “Lú Olo” ho nia votu 144.282 ho nia persentajen 22,1%, no kandidatu Prezidenti Republika husi partidu CNRT, Jose Ramos Horta ho nia votu 303.477 ho nia persentajen 46,6%,.

()

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...