ERMERA, STLNEWS.co – Komunidade iha Suku Obulo, Postu Administrativu Atsabe, Munisipiu Ermera, halerik ba bee moos, tanba nee husu ba governu atu fo atensaun.
Ba STL Sesta nee (25/08/2023), Autoridade Lokal Suku Obulo, Fernando Marques hateten, problema neebe oras nee daudaun povu iha Suku Obulo hasoru durante tempu bai loron mak bee moos, too bai loron komunidade sira konsumu deit bee mota, tan nee husu ba governu atu tun mai baze hodi haree povu nia halerik sira nee, liu-liu problema bee moos.
“Durante tinan barak nia laran komunidade iha Suku Obulo hasoru problema barak, liu-liu bee moos, too tempu bai loron povu konsumu deit bee mota, tan nee husu ba governu atu toma atensaun ba povu nia halerik sira nee,” dehan Auturidade lokal Suku Obulo.
Nia afirma, bee matan sira neebe lokaliza iha Suku Obulo atu labele maran mak, husu ba governu tenki dezenvolve no konserva bee matan sira nee, atu nunee bainhira tempu bai loron nia labele maran, sa lae mak povu kontinua konsumu bee mota iha tempu bai loron.
Iha fatin hanesan, Celestina Carlota hanesan komunidade Suku Obulo hateten, bai loron naruk halo bee matan sira nee maran hotu ona, tanba nee husu governu atu fo atensaun.
(mad)
