Povu Kontinua Halerik, Fernanda Lay: Governu Iha Neebe?

DILI, STLNEWS.co – Situasaun agora povu Timor Leste (TL) halerik ba implementasaun Estadu Emerjensia (EE) no Serka Sanitaria (SS), no Konfinamentu Obrigatoriu (KO), maibe la kria kondisaun hodi atendementu emerjensia ba povu, tanba nee bankada CNRT lamenta, ho kondisaun hanesan nee governu iha neebe.

Preokupasaun nee haktuir husi Deputada bankada CNRT Maria Fernanda Lay, ba jornalista Kuarta nee (19/05/2021).

Nia hatete, haree ba situasaun povu halerik nee, sira foti problema nee iha plenaria bei-beik, OJE aprova no promulgadu, orsamentu retifikativu mai hadia deit 7 pursentu neebe sai problema, neebe lori mai PN tau karimbu, ida nee tanba viola lei, maibe too agora povu terus nee individu, grupu sira mak ba apoiu.

“Iha rai laran ita hotu bele sente se governu ezekuta osan ho diak, bele apoiu umanitariu, husi ministeriu relevante sira, maibe agora buat neebe mak akontese, ema individus, organizasaun non govermentais, ida-idak mak ba fo apoiu, be governu nia prezensa iha neebe,” katak Lay.

Nia dehan, ida nee dezafiu boot, lahatene situasaun nee tanba osan mak laiha ka, jestaun mak ladiak ka problema iha neebe. Tanba agora haree ba projetu tinan kotuk ba inundasaun deit mos seidauk selu.

“Ami opozisaun ezije relatoriu ba fundu Covid-19 atu ministeriu lori mai. Tanba fundu Covid-19, osan tau tiha ona iha tinan kotuk atu selu motorista transporte publiku, maibe lahatene, relatoriu too agora seidauk mai,” tenik nia.

Hatan ba kestaun nee Francisco de Vasconcellos, deputadu PLP husi bankada Governu, hatete, “atu hatete, halerik nee ita hotu halerik, laos povu mesak mak halerik, i mundu tomak halerik ba pandemia global nee, tanba covid nee mai interompe tiha atividade hotu-hotu. Maibe governu tenta atu instituisaun estadu sira funsiona nafatin, hodi buka meius atu povu labele mate tanba covid, no labele mate ba hamlaha,” katak nia.

Maibe tuir nia, depois governu konsentra ba kombate covid, maibe hasoru tan kalamidade, neebe agora governu konsentra ba rua nee hotu, atu buka solusaun. Hanesan foin lalais orsamentu retifikativu atu reforsa fundu covid nian no mos hatan ba kalamidade, neebe rua nee lao dala ida. Neebe osan sira nee, tau ba rekooperasaun ekonomia, sesta bazika, vitima inundasaun, no mos infraestrutura.

“Haree ba lamentasaun sira nee, maibe atu hatete katak, governu trava buat sira hotu, tanba hakarak prevene moras nee, maibe governu mos iha meius ka dalan atu hodi rezolve problema sira nee”, tenik deputadu Vasconcellos.

Maibe tuir nia, agora dadaun atividade negosiu lao hela, loja sira neebe faan sasan nesidade bazika loke, nunee mos transporta produtu sira lao nafatin.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: