DILI, STLNEWS.co – Nain ba kompanhia Esperansa Timor Oan (ETO) husu ba komunidade sira atu labele paniku, stok kombustivel sei sufisiente hela.
“Hau bele hatoo deit katak, mina iha hela laiha problema, tan nee husu atu ema hotu labele paniku, mina sei too ba ema ida nia atividade diaria, ita laiha krizi mina hanesan ema hotu rona no haree iha media sosial, situasaun normal hela, tan nee lalika ba forma naruk atu hetan mina,” kestaun nee fo sai husi nain ba kompanha ETO, Nilton Gusmao ba STL liu husi mensajen WatshApp, Kinta nee, (28/07/2022).
Nia informa liu tan, bele dehan atual daudaun nee mina iha ETO nia armazenamentu sufisiente atu atende ema hotu. Tan ne husu atu maluk sira mai ense hanesan bainbain, lalika forma naruk no lori jérigen atu sosa mina iha pertamina ba rai rezerva iha uma.
(mad)
