Povu Labele Sai Vitima Ba EE – SS

DILI, STLNEWS.co – Bankada CNRT iha Parlamentu Nasional husu ba governu atu halo jestaun neebe diak no tuir lei, atu nunee povu labele sai vitima ba regras estadu emerjensia (EE) no serka sanitaria (SS) iha rai laran. Informa Vise Bankada CNRT, Patrocino Fernandes, ba jornalista sira iha PN, Sesta (07/05/2021).

“CNRT nuudar bankada opozisaun, reprezenta povu apela nafatin ba governu atu halo jestaun neebe diak no tuir lei neebe iha, para labele halo fali povu sai vitima ba medidas sira neebe governu halo,” dehan nia.

Nia dehan, iha dekretu lei ba autorizasaun deklarasaun EE neebe estensaun ba dala 13 nee husi PR nian, medidas de implementasaun sira dekretu governu sira nian.

Medidas implementasaun sira nee mai husi ninia baze mak lei estensaun EE, ida nee mak sai baze ba governu atu halo sira nia dekretu de implementasaun.

Nia hatutan, dekretu de implementasaun nee labele kontradis fali ho dekretu do Prezidente neebe mak PN autoriza ba PR atu dekreta EE.

Dekretu lei labele kontradis ho ida nee, tanba dekretu lei do Prezidente nee mak aas, i dekretu lei do Governu dekretu para implementa nia labele kontradis ho ida nee.

“Hau la lembra didiak artigu hira, mais iha dekretu do Prezidente ba estensaun EE nee hatete momos katak, asegura nafatin diretu propriu sidadaun ninian inkluindu bainhira atu halo teste swab ba sidadaun ida, governu garante no asegura ona katak nia iha estadu ida presiza duni tenke halo swab ba nia,” tenik nia.

Antes nee, Ministru Prezidensia Konsellu Ministru (MPKM), Fidelis Leite Manuel Magalhães hatete, governu deside halo alterasaun ba dekretu governu N N14/2021 loron 29 fulan Abril para bele halo teste masal ba populasaun sira iha teritoriu laran

“Ho alterasaun ida nee, bele fo autorizasaun ka kompetensia ba autoridade saude nia atu bele halo swab obrigatoriu ba populasaun sira neebe iha teritoriu laran,” dehan nia.

Fidelis dehan, sidadaun sira neebe mak lakoi koopera ho autoridade atu halo teste swab obrigatoriu sei sujeita ba iha kuarentena no sei selu rasik kustu kuarentena neebe mak iha.

“Wainhira sidadaun sira neebe rekuza lakoi koopera hodi halo teste swab nee, nia rasik sei selu kustu kuarentena nian, no dezisaun administrativa neebe governu hasai nee la iha karakter ba implikasaun kriminal,” dehan nia.*

Reportajen: Domingas Soares/ Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: