Povu Mate Iha Quelicai, Tenke Halo Investigasaun

DILI, STLNEWS.co – Reprezentante povu iha uma fukun Parlamentu Nasional (PN), preokupa povu Quelicai neebe mate hanesan haas tasak, tanba nee presiza halo investigasaun no kaer provas hodi bele halo sosializasaun ba komunidade sira.

Tuir Deputada Gabriela Alves dehan, kuaze tina 2 mak Timor Leste halo Estadu Eemerjensia (EE) no fulan – fulan estende hela deit EE, tanba preokupasaun ba moras Covid-19 nee afeta mundu tomak.

 “Iha momentu ida nee hau hakarak informa lori povu Quelicai katak, povu Quelicai oras nee mate monu hanesan haas tasak, maibe kuaze semana 1 besik semana 2 ona, hau haree laiha atuasaun governu nian,” dehan nia liu husi Plenaria iha PN, Segunda nee (20/09/2021).

Nia hatutan, Parese iha ona atuasaun maibe seidauk masimu, tanba nee se bele maksimiza atuasaun, oinsa bele indentifika sira nee mate, tanba Covid-19 ka tanba Delta ou tanba moras baibain.

Iha fatin hanesan, Deputadu Bankada PD, Adriano do Nacimento dehan, ema mate iha Suai Fohorem no ema mate iha Quelicai.

“Hau haree iha Facebook nee loos ka lae, no lee iha jornal dehan ema mate to’o ona 50, no loron hirak liu ba, loron ida ema mate nain 4, se bele halo investigasaun, kaer provas ida nee hodi konsesializa ba komunidade,” dehan nia.

Nia haktuir, tanba politika sira hatete, Covid-19 nee governu politiza deit, neebe hodi ida nee halo kampana konsesializasaun katak, buat nee perigu no bele halo vasina.

Nunee mos Ministru Asuntu Parlamentares no Komunikasaun Sosial (MAPKOMS), Francisco Jeronimo dehan, konaba preokupasaun neebe deputadu sira koalia konaba ema mate, iha hela investigasaun.*

Reportajen: Domingas Soares 

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...