DILI, STLNEWS.co – Povu presiza dezenvolvimentu lao diak iha nasaun Timor Leste (TL), atu nunee sira labele sofre, maibe realidade dezenvolvimentu lao seidauk diak.
Kestaun nee hatoo husi Veteranus, Ete Uco Guterres ba STL Segunda nee iha Balide katak, koalia konaba dezenvolvimentu iha rai laran, ema hotu haree realidade saida mak lao durante tinan 5 nia laran.
” Durante tinan 5 nia laran, ita haree salariu bensimentu mak lao, maibe dezenvolvimentu ladun lao,” katak Veteranus Ete Uco Guterres.
Nia dehan, haree ba durante tinan 2 nia laran povu moris iha Konfinamentu Obrigatóriu, Serka Sanitária no Estadu Emerjensia nia laran, halo povu kiik sira terus, tanba lori sira nia produtu mai faan la folin.
Iha parte seluk, deputadu husi Bankada FRETILIN, Fabião Oliveira hatete, haree ba dezenvolvimentu iha rai laran oras nee lao hela, i lao faze por faze.
Tuir nia, labele katak dezenvolvimentu lao lao, prosesu lao hela, i durante tinan 2 nia laran nee tanba impaktu husi Covid-19 neebe afeta ba mundu tomak.
(gui)
