Povu Seidauk Sente Benefisiu, Akademista Duvida Paradeiru OJE 2021

DILI, STLNEWS.co – Komunidade akademista konsidera populasaun iha territoriu laran seidauk sente benefisiu husi ezekusaun Orsamentu Jeral Estadu (OJE), tanba kuaze populasaun sira kontinua halerik ba infraestrutura bazika hanesan estrada, eletrisidade, edukasaun nomos saude.

Tuir akademista no atual Reitor Universidade da Paz (UNPAZ) Adolmando Amaral katak, ezekusaun OJE tinan 2021 ho montante Billiaun US$ 1,8 no aumenta Orsamentu Ratifikativu hamutuk Billiaun US$ 2,1 nee em jeral populasaun seidauk sente nia efeitu.

“Agora populasaun sira husi suku, postu mai munisipiu no to’o nasional, ema halerik ba problema barak, signifika katak ezekusaun OJE tinan 2021 neebe sae to’o Billiaun US$ 2,1 nee seidauk responde ba nesesidade povu nian, liu – liu ba infraestrutura bazika hanesan estrada, bee mos eletrisidade, edukasaun nomos saude,” akademista no atual reitor Universidade da Paz (UNPAZ) Adolmando Amaral liu husi telefone, Sesta (10/09/2021).

Akademista nee dehan, tuir lolos governu tau prioridade ba nesesidade povu nian, tanba kuaze populasaun hotu halerik husi area rural mai to’o iha nasional.

Povu loron – loron halerik ba nesesidade bazika sira nee, aleinde nee iha nasional mos sidadaun barak neebe mak afeitadu ba inundasaun iha loron 4 fulan Abril liu ba governu seidauk bele responde, balun agora kontinua hela iha lona okos, agora udan tan ona. Tanba nee tuir loloos orsamentu neebe aprova ona Billiaun US$ 2,1 nee tenke resposta ba populasaun nia nesesidade ka situasaun neebe agora sira hasoru, osan nee iha neebe no nia paradeiru agora nee iha los neebe, tanba sa mak labele uza no responde preokupasaun povu nia.

Nia hatutan, programa no orsamentu aprova ona iha Parlamentu Nasional no promulga ona husi Prezidente Republika, nee tuir lolos governu ezekuta tuir programa neebe mak sira aprezenta ona, maibe agora governu aprezenta buat seluk no iha ezekusaun sira halo buat seluk, nunee labele hatan ba nesesidade povu nia.

Nia fundamenta katak, iha aprezentasaun OJE tinan 2022, governu presiza halo evaluasaun hodi haree fila fali ba ezekusaun OJE tinan 2021, antes aprezenta fali OJE tinan 2022 nian.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: