Povu Servisu Hetan Osan, Ukun Nain Goza Ho Pensaun Vitalisia

MANATUTO – Primeira Dama Isabel Ferreira hateten, Povu maioria nee sei moris iha terus no kiak, maibe ukun nain sira goza ho estadu nia sasan sasan liu husi pensaun vitalisia.

Primeira Dama Isabel dehan, Povu maioria nee ema sei moris terus no kiak, divia nia ukun nain sira sai exemplu ba sidadaun hotu, se ukun nain sira husu ba sidadaun sira atu kesi sintu atu moris mesak, depois ukun nain sira goza ho estadu nia sasan, rai hela exemplu ida ladiak ba  povu sira.

Povu nee servisu rasik ba nia han, ukun nain ida o ba ukun tinan lima o simu osan salariu,  transporte, komunikasaun, osan ba alimentasaun, osan ba saude, o sei hakarak tan ida nee, nee fila deit ba ita nia fuan,” dehan Permeira Dama Isabel, bainhira remata lansamentu programa un dolar labarik ba futuru, iha Munisipiu Manatuto, Kinta (29/09/2016).

Nee duni lei pensaun vitalisia nee kria in justisa boot ida ba Timor Leste, tanba povu maioria nee ema sei moris terus no kiak, nee duni hamos ou halakon tiha lei nee. Inan ba nasaun nee afirma, ukun nain sira uza razaun ida ho lei para justifika hahalok neebe lalos, lolos nee korupsaun, tanba deit iha lei neebe ema hanoin buat nee normal.

Iha parte seluk Vise Prezidente Komisaun A (PN), deputadu Arao Noe hateten, Projetu rua neebe komisaun eventual simu, husi bankada Fretilin no bankada PD objetu atu halo redusaun, husi sira nain rua nia proposta maka harmoniza tiha halo ba projetu de lei ida bolu draf subtituisaun neebe iha semana kotuk PN aprova tiha ona. Informasaun kompletu iha STL Jornal no STL Web, edisaun Sabado (1/10/2016). Carme Ximenes

LEAVE A REPLY

Please enter your comment!
Please enter your name here