PPN Aniceto Laiha Intensaun Defende Oknum PNTL

DILI, STLNEWS.co – Prezidente Parlamentu Nasional (PPN), Aniceto Guterres hatete, laiha intensaun atu defende oknum Polisia Nasional Timor Leste (PNTL), neebe halo agresaun fiziku hasoru negosiantes nuu ihai Tasi-Tolu.

Kestaun nee Aniceto Guterres haktuir liu husi karta komunikadu imprensa neebe STL simu Segunda (24/05/2021) nee.

Karta nee dehan, Parlamentu Nasional loron 24 Maiu 2021, iha periodu antes orden do dia, deputadu sira iha Parlamentu Nasional foti kestaun kona-ba atuasaun oknum individu Polisia Nasional Timor-Leste (PNTL) neebe viral iha media sosial, tanba baku negosiante ka vendedor ambulante faan nuu, iha loron Domingo nee iha Tasi-Tolu.

“Deklarasaun PPN nee lolos katak, destintu deputadu sira kuandu simu informasaun tenke averigua, rona dehan polisia baku ema, mais tenke hatene ema (polisia ida baku negosiante) nee se? Porque dala ruma laos polisia, ita tenke iha identifikasaun klaru para hatene oknum ida baku mak nee, se ita dehan oknum, tenke hatudu oknum mak ida nee,” haktuir karta nee.

PPN nee dehan, tanba selae koalia deit (dehan) polisia maibe la identifika fica generalizada, generalizada instituisaun tomak,” lia-fuan PPN porque dala ruma laos polisia, nee lia-fuan hipotesa, laos konkluzaun.

Karta komunikadu nee deklara, PPN nia intensaun lolos mak fo hanoin ba deputada/u sira atu labele jeneraliza instituisaun PNTL tomak no tenke halo identifikasaun klaru no lolos ho detalladu kona-ba oknum PNTL (Pessoa-Certa/identidade lolos) neebe halo agresaun fiziku, molok hatoo informasaun ba entidade kompetente.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: