PPN-Dom Virgillio Hasoru Malu Koalia Atividade Iha PN

Prezidente Parlamentu Nasional, Aniceto Guterres bainhira halo reuniaun ho Bispo Diocese Dili, Dom Virgilio do Carmo da Silva SDB, iha loron 1 fulan Jullu 2020 iha residensia Diocese Dili. (Foto: Media PN)

DILI, STLNEWS.co – Prezidente Parlamentu Nasional (PPN) Aniceto Guterres hasoru malu ho Bispu Diocese Dili Dom Virgilio do Carmo da Silva SDB hodi koalia kona ba atividade lao iha PN, liu-liu kona ba PN aprova votus parabens ba aniversariu Diocese ho inklui mos atu altera lei imigrasaun azilu.

Prezidente Parlamentu Nasional Aniceto Guterres hatete, ohin mai hasoru amu Bispu laiha objetivu espesifiku, maibe tanba iha dia 1 de Jullu PPN halo audensia ho Bispu no sira kombina malu atu hasoru malu.

“Iha hasoru malu ohin partilla informasaun kona ba andamentu politika estadu ida nee, liu-liu saida mak akontese iha Parlamentu Nasional.

Neebe ohin mai nee hatoo mos boas festa ba amu Bispu ho sarani tomak iha Diocese,” katak PPN Aniceto ba jornalista bainhira remata hasoru malu PPN ho Bispu Diocese Dili iha Lecidere (21/12/2020).

Laos nee deit, maibe sira mos koalia oituan kona ba alterasaun lei imigrasaun azilu, neebe liga mos ba interese igreja nian tanba missionariu sira sei tama sai Timor.

Tuir Aniceto, planu aban sei halo audensia nunsia apostolika. Nunee mos Bispu Diocese Dili Dom Virgilio do Carmo da Silva SDB hatete, vizita ida nee inisiativa PPN nian hodi bele hasoru malu, iha enkontru nee primeiru hodi fo hanoin fila fali kona ba felisitasaun neebe PN halao ba Diocese Dili bainhira Diocese halao aniversariu ba 80.

Nia haktuir, iha hasoru malu nee mos sira toka liu kona ba preokupasaun uma kreda nian bale imigrasaun nian, tanba missionariu sira iha Timor nee barak desde uma kreda nee harii hodi missionariu no missionaria sira nia servisu.*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here